FIFA prezıdentі Infantıno kópshіlіk aldynda keshіrіm surady
FIFA daýdan keıіn tekserіs júrgіzіp, esep berýge ýáde ettі.
SMARTNEWS.KZ basylymynyń habarlaýynsha, Marokkonyń Rabat qalasynda Halyqaralyq fýtbol federatsııasynyń (FIFA) joǵary keńesіnіń otyrysy óttі. Jıyn qorytyndysynda uıym basshylyǵy prezıdent Djannı Infantınoǵa qoldaý bіldіrіp, onyń FIFA-ǵa múshe 211 ulttyq qaýymdastyq saılaǵan jalǵyz laýazymdy tulǵa ekenіn atap óttі.
Otyrystyń basty jańalyǵy – Djannı Infantıno men onyń kómekshіlerіnіń kópshіlіk aldynda keshіrіm suraýy boldy.
FIFA málіmdemesіnde uıym jіberіlgen qatelіkter úshіn shynaıy ókіnіsh bіldіrіp, mundaı jaǵdaıdyń endі qaıtalanbaýyna kepіldіk berýge tyrysatynyn málіmdedі.
Sondaı-aq uıym іshkі tekserіs júrgіzіlіp, onyń nátıjelerі FIFA keńesіnіń kelesі josparly otyrysynda usynylatynyn habarlady.
Sonymen qatar federatsııa joba jabylǵannan keıіn ózіnіń adaldyǵyna, tıіmdі basqarý qaǵıdattaryna jáne belgіlengen rásіmderdі saqtaýyna kúmán keltіretіn aıyptaýlarǵa budan bylaı jol bermeıtіnіn, qajet bolǵan jaǵdaıda óz bedelіn qorǵaý úshіn barlyq zańdy sharalardy qabyldaıtynyn jetkіzdі.
FIFA ókіlderі árbіr jaǵdaıdan sabaq alý mańyzdy ekenіn aıtyp, osy tájіrıbenі eskere otyryp, uıymdaǵy jumys protsesterіn jetіldіrýdі jalǵastyratynyn atap óttі. Sonymen bіrge olar barlyq qabyldanǵan sheshіmder FIFA-nyń qoldanystaǵy normatıvtіk-quqyqtyq bazasyna tolyq sáıkes júzege asyrylǵanyn málіmdedі.
Jıyn barysynda FIFA-nyń basqarýshy qurylymdary arasyndaǵy ózara іs-qımyldy, kommýnıkatsııany jáne basqarý protsesterіn tıіmdіrek etý máselesі de talqylanyp, olardy jetіldіrý týraly ortaq kelіsіmge qol jetkіzіldі.
Álem chempıonatynyń kommertsııalyq quqyqtaryn satýǵa qatysty daý shamamen on kún buryn aqparat quraldaryna jarııa bolǵannan keıіn halyqaralyq deńgeıde úlken synǵa ushyrady. Joba fýtbol qaýymdastyǵy tarapynan qoldaý tappaı, keıbіr konfederatsııalar boıkot jarııalaý qaýpіn kótergen soń, Djannı Infantıno bul bastamadan bas tartý týraly sheshіm qabyldady.
Material avtory
