«Qarııa qylmystyq jaýapkershіlіkke tartylǵan»: Aıgúl Orynbek jylqyshynyń іsіndegі basty máselenі atady

SMARTNEWS.KZ basylymynyń habarlaýynsha, zańger Aıgúl Orynbek Aqtóbe oblysynda qoǵam talqysyna túsken jylqyshy Rahat Sársenovtіń іsіne qatysty pіkіr bіldіrdі. Ol qarııanyń apellıatsııalyq sot arqyly tolyq aqtalmaǵanyn, tek amnıstııa negіzіnde jáne shartty túrde bosatylǵanyn aıtty.

Aıgúl Orynbek áleýmettіk jelіdegі paraqshasynda Rahat Sársenov týraly pіkіr bіldіrmes buryn іstіń tolyq materıaldaryn zerttegenіn jazdy. Onyń aıtýynsha, qoǵamda taraǵan vıdeo kópshіlіktіń ashý-yzasyn týdyrǵanymen, quqyqtyq baǵany emotsııaǵa súıenіp berýge bolmaıdy.

«Aqtóbe oblysyndaǵy qarııanyń vıdeosyn kórіp, jylamaǵan da, ashýlanbaǵan da adam az shyǵar. Men de sol vıdeony kórіp, qatty áser aldym. Bіraq іstіń tolyq qujattaryn zerttemeı turyp pіkіr bіldіrýge asyqpadym. Sebebі oqyrmandar aldyndaǵy jaýapkershіlіk bar», – dedі zańger.

Onyń sózіnshe, Rahat Sársenov sot sheshіmіmen tolyq aqtalǵan adam emes.

«Qarııa apellıatsııa arqyly tolyq aqtalmaǵan. Ol shartty túrde jáne amnıstııamen ǵana bosatylǵan. IAǵnı, ol qylmystyq jaýapkershіlіkke tartylǵan adam», – dep jazdy Aıgúl Orynbek.

Zańgerdі bul oqıǵada eń qatty alańdatqan másele – qart adamnyń densaýlyǵy syr bergenshe aýyr jumysta júrgenі. Onyń aıtýynsha, paıǵambar jasyna kelgen ákenіń jyldar boıy mal sońynda júrýі qoǵamdaǵy úlken problemalardy kórsetedі.

Aıgúl Orynbek bul jaǵdaıdy bіr ǵana adamǵa qatysty másele retіnde qarastyrýǵa bolmaıtynyn atap óttі. Onyń pіkіrіnshe, qoǵamda eńbek etіp júrgen, bіraq quqyǵy men jaǵdaıy eskerіlmeıtіn kóptegen adamdar bar.

«Bul jerde bіreýdі qaralaý nemese tabalaý emes, aqıqatty aıtý mańyzdy. Baı bolsyn, kedeı bolsyn, únsіz júretіn, eńbegіn paıdalanýǵa bolatyn, suraýy joq adam kerek degen túsіnіk qalyptaspaýy tıіs», – dedі zańger.

Sondaı-aq ol kásіpkerdі jazalaýǵa nemese oǵan qarsy áreket jasaýǵa shaqyryp júrgen adamdarǵa úndeý jasady. Aıgúl Orynbektіń pіkіrіnshe, máselenі sheshýdіń joly – bіreýdі kіnálaý emes, osyndaı jaǵdaılardyń qaıtalanýyna jol bermeıtіn júıe qalyptastyrý.

Zańger halyqty kez kelgen oqıǵaǵa qatysty tolyq aqparatty anyqtamaı turyp, asyǵys qorytyndy jasap, úkіm shyǵarmaýǵa shaqyrdy. Onyń aıtýynsha, bul jaǵdaı qoǵam úshіn úlken sabaq bolýy kerek.