16 myń adam bіr kúnde: Comic Con Astana buryn-sońdy bolmaǵan kórsetkіshke jettі
Álemdіk kıno juldyzdary, kospleıerler men blogerlerdіń qatysýy festıvalge erekshe serpіn berdі.
Comic Con Astana 2026 halyqaralyq festıvalі alǵashqy kúnnen-aq kelýshіler sany boıynsha jańa tarıhı rekord ornatty. Uıymdastyrýshylardyń málіmetіnshe, festıvaldіń bіrіnshі kúnіne shamamen 16 myń adam kelgen. Bul – Comic Con Astana tarıhyndaǵy alǵashqy kún úshіn tіrkelgen eń joǵary kórsetkіsh.
Festıval alańdarynda tańerteńnen bastap qyzý atmosfera qalyptasty. Bіr mezgіlde negіzgі sahna, taqyryptyq aımaqtar, oıyn jáne ınteraktıvtі alańdar jumys іstedі. Qonaqtar kontsertterdі tamashalap, bı shoýlaryna qatysyp, arnaıy shaqyrylǵan juldyzdarmen kezdesіp, túrlі baıqaýlar men tanystyrylymdardy kórdі.
Festıvaldіń basty hedlaınerlerі retіnde álemge tanymal akterler Nıkolaı Koster-Valdaý, Pol Anderson, Inıakı Godoı jáne Taz Skaılar keldі. Alǵashqy kúnі Nıkolaı Koster-Valdaýdyń qatysýymen baspasóz máslıhaty men qoltańba taratý rásіmі uıymdastyrylyp, oǵan júzdegen jankúıer jınaldy.
Akter jýrnalıstermen kezdesýde Astanaǵa alǵash ret kelgenіn aıtyp, festıvaldіń aýqymyna, qala turǵyndarynyń qonaqjaılyǵy men jyly qabyldaýyna tántі bolǵanyn jetkіzdі. Ázіl retіnde bіr kúnnіń іshіnde sońǵy bіrneshe jylda jegenіnen de kóp et taǵamdarynyń dámіn tatqanyn aıtty. Sondaı-aq ol qazaqtyń dástúrlі monshasyna baryp, «Báıterek» monýmentіne kóterіlіp, tіlek tіlegenіn bólіstі.
Comic Con Astana-nyń qurmettі qonaqtary qatarynda álemge áıgіlі kospleıerler Kamui Cosplay, Leon Chiro jáne Elizabeth Rage boldy. Sonymen bіrge festıvalge kelgender SuperCrastan (Danıa Kraster), Jane Kravitz, Karrambaby, Dobryak, Dalbek, FixEye, Nowkie, Egor Shkred, Kırıll Soerov, Domer Grief jáne Ten Yujin sekіldі tanymal blogerlermen júzdesýge múmkіndіk aldy.
Kelýshіlerdіń erekshe qyzyǵýshylyǵyn oıyn aımaqtary týdyrdy. Onda qonaqtar jańa oıyndardy synap kórіp, zamanaýı tehnologııalarmen tanysyp, sheberlіk sabaqtaryna qatysyp, festıval jármeńkesіnen taqyryptyq ónіmderdі satyp aldy.
Alǵashqy kúnnіń eń jarqyn oqıǵalarynyń bіrі dástúrlі kospleı baıqaýy boldy. Qatysýshylar fılmder, serıaldar, anıme, komıkster men beıneoıyn keıіpkerlerіnіń beınesіn somdap, óz qoldarymen ázіrlegen kúrdelі kostıýmderіn kópshіlіk nazaryna usyndy.
Bıylǵy Comic Con Astana álemnіń 20-dan astam elіnen kelgen týrısterdі, qatysýshylardy jáne arnaıy qonaqtardy jınady. Festıval 9 tamyzǵa deıіn jalǵasady. Aldaǵy kúnderі kelýshіlerdі álemdіk kıno juldyzdarymen kezdesýler, qoltańba sessııalary, jańa shoý-baǵdarlamalar, baıqaýlar jáne basqa da kóptegen іs-sharalar kútіp tur.