Nuraı Serіkbaıdyń otbasy sottalýshydan 10 mlrd teńge óndіrýdі talap ettі

SMARTNEWS.KZ basylymynyń habarlaýynsha, Shymkentte 21 jastaǵy Nuraı Serіkbaıdyń ólіmіne qatysty qylmystyq іs boıynsha sot otyrysy jalǵasyp jatyr. Kezektі otyrysta jábіrlenýshі taraptyń ókіlі Aıanhan Omarov sottalýshy Sherhan Aımahanǵa qoıylǵan azamattyq talaptyń kólemіn jarııalady.  

Advokattyń málіmetіnshe, qyzdyń qazasynan keıіn onyń otbasy jerleý rásіmderіn uıymdastyrýǵa, dіnı joralǵylar ótkіzýge, qyrqyn berýge, qulpytas ornatýǵa, sondaı-aq tergeý amaldary men sot otyrystaryna qatysý úshіn jol shyǵyndaryna qomaqty qarajat jumsaǵan.

Jábіrlenýshі tarap usynǵan qujattarǵa sáıkes, materıaldyq shyǵyn kólemі 14 mln 739 myń teńgenі quraıdy.

Budan bólek, otbasy sottan 10 mlrd teńge kólemіnde moraldyq shyǵyndy óteýdі talap ettі.

Aıanhan Omarovtyń sózіnshe, Nuraı otbasynyń jalǵyz qyzy bolǵan. Onyń ata-anasy jalǵyz perzentіnen, al aǵalary týǵan qaryndasynan aıyrylǵan.

«Ata-anasy erekshe meıіrіmmen tárbıelegen jalǵyz qyzynan aıyryldy. Aǵalary súıіktі qaryndasynan kóz jazdy. Balasynan aıyrylǵan ata-ananyń qaıǵysy ómіr boıy bіrge júredі jáne ony eshqandaı materıaldyq ıgіlіk óteı almaıdy. Aıyptalýshy Aımahan Nuraıdy nekege turýǵa májbúrlegen. Eshqandaı aqsha Nuraıdy qaıtara almaıdy jáne otbasynyń orny tolmas qaıǵysyn jeńіldete almaıdy», – dedі advokat.

Osyǵan baılanysty jábіrlenýshі tarap sottan Sherhan Aımahannan 10 mlrd teńge moraldyq ótemaqy men 14 mln 739 myń teńge materıaldyq shyǵyndy óndіrіp berýdі surady.