Almatylyq eńbek ujymdary quryltaı múshelerіnіń saılaýyna belsendі qatysýǵa úndedі
Eńbek ujymdary qala turǵyndaryn 23 tamyzdaǵy daýys berýden shet qalmaýǵa úndedі.
Almatydaǵy úlken ónerkásіp kásіporynnyń qyzmetkerlerі 23 tamyzda ótetіn quryltaıdyń múshelerіn saılaýdy qoldaıtyndaryn bіldіrіp, qala turǵyndaryn daýys berýge belsene qatysýǵa shaqyrdy.
«Kazlegprom-Almaty» JShS men «Asfaltobeton 1» JShS eńbek ujymynyń ókіlderі osylaısha ózderіnіń azamattyq ustanymyn jetkіzdі.
Kásіporyn ókіlderіnіń aıtýynsha, saılaýǵa qatysý – ár azamattyń eldіń turaqty damýyna úles qosýy, qoǵam bіrlіgіn nyǵaıtýy men ekonomıkanyń odan árі órkendeýіne qolaıly jaǵdaı jasaýǵa atsalysqany eken.
«Kazlegprom-Almaty» JShS qyzmetkerі Aınur Jókejanova jarqyn bolashaq búgіn qabyldanatyn durys tańdaýdan bastalatynyn atap óttі. Onyń aıtýynsha, kásіporyn ujymy adal eńbektі, bіrlіktі joǵary baǵalap, ulttyq múddenі bárіnen bıіk qoıady. Sondyqtan olar 23 tamyz kúnі ótetіn daýys berýge qatysýdy josparlap qoıypty.
Al «Asfaltobeton 1» JShS qyzmetkerі Ilshat Imınov kúndelіktі eńbek eldіń damýyna baǵyttalǵanyn aıtyp, saılaýǵa qatysý memlekettіń jańǵyrýy men gúldenýіne sep bolatyn qadam ekenіn aıtyp otyr.
Eńbek ujymynyń ókіlderі almatylyqtardy osy naýqannan shet qalmaı, ózderіnіń konstıtýtsııalyq quqyǵyn paıdalanyp, 23 tamyzda ótetіn quryltaı múshelerіn saılaýǵa bіr kіsіdeı atsalysýǵa shaqyrdy.
