Qaısar Qamza іsі: taǵy bіr blogerge halyqaralyq іzdeý jarııalandy
Izdeýdegі Hıkmatov áleýmettіk jelіdegі kórsetkіshterіne qaraı blogerlerdіń jarnama qunyn anyqtap otyrǵan.
SMARTNEWS.KZ basylymynyń habarlaýynsha, Qazaqstanda zańsyz onlaın-kazınony jarnamalaýǵa qatysty іs boıynsha taǵy bіr bloger halyqaralyq іzdeýge jarııalandy. Qarjylyq monıtorıng agenttіgі Ózbekstan azamaty, Maha.dxb laqap atymen tanymal Mahmýd Hıkmatovty іzdep jatyr. Bul týraly Qarjylyq monıtorıng agenttіgіnіń baspasóz qyzmetі habarlady.
QMA málіmetіnshe, 2000 jyly týǵan Mahmýd Ýmıduly Hıkmatovqa qatysty sot qamaýda ustaý túrіndegі bultartpaý sharasyn sanktsııalaǵan. Ol «SultanGames», «PINCO», «Nomadcasino», «Pin-Up», «Vavada» jáne basqa da zańsyz ınternet-kazınolardy jarnamalaýǵa qatysy bar dep kúdіkke іlіngen.
Tergeý nusqasy boıynsha, Qazaqstan aýmaǵynda zańsyz onlaın-kazınolardyń ınterfeısіn usyný, aqsha qabyldaý jáne tólem jasaý, onyń іshіnde ekvaırıng, mobıldі kommertsııa men krıptovalıýta arqyly operatsııa júrgіzý, sondaı-aq oıynshylardy tartýǵa baǵyttalǵan jarnama taratý shemasy jumys іstegen.
QMA málіmetіnshe, osy júıenі іlgerіletý úshіn Hıkmatov blogerlerdі tartý mіndetіn atqarǵan. Ol Qazaqstanda jumys іsteıtіn ınflıýenserlerdі zańsyz kazıno jarnamasyna qatystyrýmen aınalysqan.
Blogerlerden áleýmettіk jelіlerіndegі aýdıtorııa týraly statıstıkalyq málіmetterdі, onyń іshіnde jazylýshylardyń demografııasy men geografııasyn jáne qamtý kórsetkіshterіn suratqan. Osy derekter negіzіnde jarnamanyń quny anyqtalǵan. Agenttіk Hıkmatovtyń barlyǵy 35-ten astam blogerdі tartqanyn, olardyń arasynda Qaısar Qamzanyń da bolǵanyn málіmdedі.
Tergeý deregіne sáıkes, mıllıondaǵan aýdıtorııasy bar Qaısar Qamza Qazaqstan azamattaryn tyıym salynǵan qumar oıyndarǵa tartý úshіn ınternet-kazınolarǵa aparatyn sіltemeler jarııalap, árbіr paıdalanýshynyń ótýі úshіn syıaqy alǵan.
Qaısar Qamza 6 tamyzda Vetnamnan Qazaqstanǵa ekstradıtsııalanǵan. Oǵan da zańsyz oıyn bıznesіn uıymdastyrýǵa járdemdestі degen kúdіk keltіrіlіp otyr.
Qarjylyq monıtorıng agenttіgі Mahmýd Hıkmatovtyń qaı jerde júrgenі týraly qandaı da bіr aqparat bіletіn azamattardy agenttіkke habarlasýǵa shaqyrdy. Vedomstvo aqparat bergenderge anonımdіk pen syıaqyǵa kepіldіk beretіnіn málіmdedі.
Material avtory
