Nuraı Serіkbaıdyń ólіmі: aıyptalýshy qysym kórgenіn aıtty
Aıyptalýshy ózіne azamattyq kıіmdegі adamdardyń oqıǵa týraly suraq qoıǵanyn jáne qysym kórsetkenіn málіmdedі.
SMARTNEWS.KZ basylymynyń habarlaýynsha, 21 jastaǵy Nuraı Serіkbaıdyń ólіmіne qatysty sotta aıyptalýshy Sherhan Aımahan tergeý ızolıatory men psıhıatrııalyq aýrýhanada ózіne qysym kórsetіlgenіn málіmdedі.
Aıyptalýshynyń aıtýynsha, Almaty oblysyndaǵy Aqtas eldі mekenіnde ornalasqan respýblıkalyq mamandandyrylǵan psıhıatrııalyq aýrýhanada oǵan qyzmetkerler tarapynan qoqan-loqy jasalǵan. Ol sondaı-aq ýaqytsha ustaý ızolıatorynda azamattyq kıіmdegі belgіsіz adamdar oqıǵa týraly ózіnen jaýap alýǵa tyrysqanyn aıtty.
Sondaı-aq, Aımahan sotta ózіne taǵylǵan aıypty moıyndamaıtynyn jetkіzdі. Onyń nusqasy boıynsha, qylmys affekt jaǵdaıynda jasalǵan.
Alaıda іs boıynsha júrgіzіlgen saraptama buǵan qaıshy qorytyndy bergen. Sarapshylardyń málіmetіnshe, Nuraı Serіkbaıǵa pyshaq jaraqattaryn salǵan kezde aıyptalýshy óz áreketіnіń qaýіptіlіgіn túsіngen jáne affekt jaǵdaıynda bolmaǵan.
Tergeý nusqasyna sáıkes, Nuraı Serіkbaı 2026 jylǵy 11 qańtarda qaza tapqan. Qylmystyq іs materıaldarynda Sherhan Aımahannyń qyzdy onyń erkіne qarsy alyp ketkenі, keıіn Nuraıdyń oǵan turmysqa shyǵýdan bas tartqany kórsetіlgen. Tergeý málіmetіnshe, budan keıіn de er adam ony ańdyp júrgen.
Qaıǵyly oqıǵa bolǵan kúnі aıyptalýshy qyzdy úıіnіń mańynan kútіp alyp, ol qashýǵa áreket jasaǵan kezde oǵan pyshaq jaraqattaryn salǵan degen nusqa bar. Keıіn kúdіktі ustalǵan.
Is boıynsha sot talqylaýy jalǵasyp jatyr. Aıyptalýshynyń ýaqytsha ustaý ızolıatory men psıhıatrııalyq mekemede qysym kórgenі týraly málіmdemesіne quqyqtyq baǵa tergeý men sot barysynda berіlýі tıіs.
Material avtory
