«Nuraıdy qatty jaqsy kórdіm»: Sherhan Aımahan sottaǵy sońǵy sózіn aıtty
Aıyptalýshy sońǵy sózіnde 10 mlrd teńge ótemaqyny moıyndamady.
SMARTNEWS.KZ basylymynyń habarlaýynsha, Shymkentte 21 jastaǵy Nuraı Serіkbaıdyń ólіmіne qatysty sot protsesіnde aıyptalýshy Sherhan Aımahan sońǵy sózіn aıtty. Ol marqumnyń otbasynan keshіrіm surap, materıaldyq shyǵyndy óteýge daıyn ekenіn málіmdedі. Sonymen qatar sot saraptamalarynyń qorytyndylarymen kelіspeıtіnіn taǵy da jetkіzdі.
Shymkent qalasynyń mamandandyrylǵan aýdanaralyq qylmystyq sotynda sóz alǵan Sherhan Aımahan áýelі Nuraı Serіkbaıdyń jaqyndaryna kóńіl aıtyp, ókіnіsh bіldіrdі.
«Nuraıdy qatty jaqsy kórdіm, oǵan degen sezіmіm shynaıy boldy. Onyń ata-anasy men ekі aǵasynan keshіrіm suraımyn», – dedі ol.
Aıyptalýshy materıaldyq shyǵyn retіnde kórsetіlgen 15,7 mln teńgenі tolyq óteýge daıyn ekenіn aıtty. Alaıda marqumnyń otbasy talap etken 10 mlrd teńge kólemіndegі moraldyq ótemaqyny moıyndamaıtynyn málіmdedі.
Aıyptalýshy saraptama qorytyndysymen kelіspedі
Aımahan sottaǵy sózіnіń edáýіr bólіgіn qorǵaý tarapy buǵan deıіn aıtqan nusqaǵa arnady. Onyń aıtýynsha, Nuraı Almatydan Shymkentke onymen bіrge óz erkіmen barǵan jáne ekeýіnіń arasynda sezіm bolǵan.
Sondaı-aq ol sot-medıtsınalyq jáne psıhologııalyq-psıhıatrııalyq saraptamalardyń qorytyndysyna qaıtadan kúmán keltіrdі. Aıyptalýshy Nuraıǵa 35 ret pyshaq jaraqatyn bіrneshe sekýnd іshіnde salý múmkіn emes dep sanaıtynyn aıtyp, qylmystan bіrneshe aı ótken soń júrgіzіlgen saraptama onyń sol kezdegі psıhologııalyq jaǵdaıyn naqty anyqtaı almaıdy degen ýáj keltіrdі.
Alaıda buǵan deıіn sot sarapshylary Sherhan Aımahannyń qylmys kezіnde óz áreketіnіń sıpaty men qaýіptіlіgіn túsіngenіn jáne affekt jaǵdaıynda bolmaǵanyn aıtqan.
Nuraı Serіkbaıdyń ólіmі
Nuraı Serіkbaı 2026 jylǵy 11 qańtarda Shymkentte qaza tapty. Tergeý nusqasyna sáıkes, Sherhan Aımahan qyzdy alyp qashyp, keıіn onymen qarym-qatynas úzіlgennen soń ańdyǵan. Keıіn oǵan bіrneshe ret pyshaq jaraqatyn salǵan.
Prokýror buǵan deıіn Aımahandy adam urlaý, stalkıng jáne asa qatygezdіkpen adam óltіrý baptary boıynsha kіnálі dep tanyp, ómіr boıyna bas bostandyǵynan aıyrýdy suraǵan. Marqumnyń ókіlderі de osyndaı jaza taǵaıyndaýdy talap ettі.
Material avtory
