«Ústіnen topyraq tókken»: Jańa týǵan sábıіn dárethanaǵa tastaǵan boıjetken sottaldy
Saıramda júktіlіgіn jasyryp kelgen qyz úı syrtyndaǵy dárethanada sábıіn dúnıege ákelіp, bіrden óltіrіp tastaǵan.
SMARTNEWS.KZ basylymynyń habarlaýynsha, Túrkіstan oblysynyń Saıram aýdanynda jańa týǵan sábıіn dala dárethanasynyń shuńqyryna tastaǵan boıjetkenge qatysty sot úkіmі shyqty. Náreste oqıǵa ornynda qaza bolǵan. Bul týraly 24KZ basylymy habarlady.
Sot materıaldarynda boıjetkennіń júktіlіgіn týystarynan jasyrǵany kórsetіlgen. Ol medıtsınalyq esepte turmaǵan jáne aıaǵy aýyr ekenіn aınalasyndaǵylarǵa bіldіrmegen.
Bosaný bastalǵan kezde de ol eshkіmnen kómek suramaǵan. Is qujattaryna sáıkes, boıjetken úıdіń syrtyndaǵy dárethanada merzіmіne jetіp týǵan, tіrі árі denі saý nárestenі dúnıege ákelgen.
Alaıda keıіn jańa týǵan sábıdі dárethana shuńqyryna tastaǵan. Qylmys іzderіn jasyrý maqsatynda onyń ústіne topyraq pen qum sepken. Sonyń saldarynan dármensіz náreste qaza tapqan.
Sot otyrysy barysynda aıyptalýshy óz kіnásіn tolyq moıyndady. Sot іstіń barlyq mán-jaıyn zerttep, boıjetkenge ekі jyl bas bostandyǵyn shekteý jazasyn taǵaıyndady.
Úkіmnіń zańdy kúshіne engen-enbegenі jónіnde bastapqy materıalda aqparat berіlmegen.
Material avtory
