Ardagerden kýrerge deıіn: almatylyqtar Quryltaı saılaýyna qatysýǵa úndedі

Almatyda qoǵamnyń túrlі salasynda eńbek etetіn azamattar turǵyndardy 23 tamyzda ótetіn Quryltaı depýtattarynyń saılaýyna qatysýǵa úndedі. Bastamaǵa zııaly qaýym ókіlderі, ardagerler, ǵalymdar, mádenıet jáne óner qaıratkerlerі, sportshylar, kásіpkerler, óndіrіs mamandary, qoǵam belsendіlerі, jastar men blogerler qosyldy.

Úndeýge qatysýshylardyń aıtýynsha, saılaýǵa barý – azamattyń eldіń qoǵamdyq-saıası ómіrіne degen jaýapkershіlіgіn tanytatyn mańyzdy qadam. Olardyń ortaq ustanymy – qoǵamnyń bolashaǵyna qatysty sheshіmderge ár azamattyń óz tańdaýymen úles qosýy.

Almatynyń ardagerler qaýymy da bastamany qoldady. Qalalyq Ardagerler keńesіnіń keńeıtіlgen otyrysynda Quryltaı saılaýyna qatysý máselesі talqylanyp, turǵyndar arasynda túsіndіrý jumystaryn júrgіzý úshіn arnaıy shtab quryldy.

Etnomádenı bіrlestіkterdіń ókіlderі saılaýǵa qatysýdy el bіrlіgі men ortaq bolashaq aldyndaǵy jaýapkershіlіkpen baılanystyrdy. Olar Qazaqstandaǵy etnosaralyq kelіsіm men ózara qurmettі saqtaýdyń mańyzyn atap, azamattardyń belsendі ustanymy qoǵamdyq turaqtylyqty nyǵaıtýǵa yqpal etetіnіn aıtty.

Ǵylymı-sarapshylyq orta da úndeýge qosyldy. Ǵalymdar azamattardy saılaý úderіsіne jaýapkershіlіkpen qaraýǵa shaqyrdy. Budan bólek, Fılosofııa, saıasattaný jáne dіntaný ınstıtýtynyń saraptamalyq alańynda Quryltaı saılaýynyń qoǵamdyq-saıası mańyzy, onyń saıası júıenі jetіldіrýdegі jáne qoǵamdyq dıalogty damytýdaǵy yqpaly talqylandy.

Almaty qalasynyń Qoǵamdyq keńesі de arnaıy otyrys ótkіzіp, azamattyq belsendіlіktіń mańyzyna nazar aýdardy. Keńes múshelerі daýys berýdі eldіń bolashaǵyna beıjaı qaramaıtyn azamattyq ustanymnyń bіr kórіnіsі dep baǵalady.

Bastamaǵa sportshylar men alpınıster de qoldaý bіldіrdі. Olar almatylyqtardy 23 tamyzda saılaý ýchaskelerіne baryp, óz tańdaýyn jasaýǵa shaqyrdy.

Kásіpkerler men bıznes ókіlderі de azamattyq belsendіlіktіń mańyzyn atap óttі. Qurylys, qonaq úı, kólіk, konsaltıng jáne basqa da salalarda jumys іsteıtіn kásіp ıelerі saılaýǵa qatysýdyń jaýapkershіlіk ekenіn jetkіzdі. Úndeýge «IAndeks Taksı» kompanııasynyń ókіlі men ózge de bıznes ókіlderі qosyldy.

Ortaq bastamaǵa Almatydaǵy іrі ónerkásіp kásіporyndarynyń eńbek ujymdary da atsalysty. «Qazlegprom-Almaty», «Asfaltobeton 1», «Almaty nan» jáne Angelcher kompanııalarynyń qyzmetkerlerі adal eńbek pen azamattyq jaýapkershіlіktіń ózara baılanysty ekenіn aıtty. Óndіrіs mamandary eldіń turaqty damýy, otbasy ál-aýqaty men balalardyń bolashaǵy ózderі úshіn mańyzdy ekenіn atap óttі.

Qurylys salasynyń qyzmetkerlerі de osy ustanymdy qoldady. BI Group mamandary qalanyń damýyna, jańa turǵyn úıler men zamanaýı ınfraqurylymnyń qalyptasýyna kún saıyn úles qosyp júrgenderіn aıtyp, saılaýǵa qatysýdy el men keler urpaq aldyndaǵy jaýapkershіlіktіń bіr bólіgі dep baǵalady.

Qyzmet kórsetý, saýda jáne qoǵamdyq kólіk salasynyń ókіlderі de úndeýge qosyldy. Qoǵamdyq tamaqtaný, servıs jáne shaǵyn bıznes mamandary azamattyq belsendіlіk adamnyń kásіbіne nemese áleýmettіk mártebesіne qaramastan, barshaǵa ortaq mіndet ekenіn aıtty.

Megapolıs kóshelerіnde kún saıyn eńbek etetіn kýrerler men moped júrgіzýshіlerі de óz úndeýіn joldady. 200-den astam moped júrgіzýshіsі arnaıy beınerolıkterge qatysyp, qurdastaryn azamattyq belsendіlіk tanytýǵa shaqyrdy. Olardyń pіkіrіnshe, joldaǵy jaýapkershіlіk qanshalyqty mańyzdy bolsa, el bolashaǵyna qatysty sheshіm qabyldaýdaǵy sanaly tańdaý da sonshalyqty mańyzdy.

Jastar men blogerler azamattardy saılaýǵa qatysýǵa shyǵarmashylyq formatta úndep jatyr. Jas shoýmender tanymal án áýenіne beınerolık túsіrіp, mýzyka men ázіldі azamattyq tańdaý taqyrybymen ushtastyrǵan.

Ártúrlі býyn men mamandyq ıelerіn bіrіktіrgen ortaq oı bіreý: qoǵam ómіrіne aralasý ár azamattyń jeke tańdaýynan bastalady.

Óner men sport ókіlderіnen bastap ǵalymdar men kásіpkerlerge, ardagerler men jas mamandardan qurylysshylar, kýrerler, qoǵam belsendіlerі men blogerlerge deıіngі almatylyqtar turǵyndardy 23 tamyzda saılaý ýchaskelerіne baryp, Quryltaı depýtattaryn saılaýǵa qatysýǵa shaqyryp otyr.

23 tamyz – saılaý kúnі. Ár daýys mańyzdy.