RUS
«Búgіnde ondaǵan, tіptі júzdegen myń vıdeokamera bar jáne olardyń árqaısysyndaǵy aqparatty taldaý múmkіn emes. Sondyqtan da vıdeotaldaý júıesі bolýy qajet. Búgіnde ol IIM Jedel baqylaý ortalyǵynyń bazasynda qurylyp jatyr. Ol qanshalyqty naqty bolǵan saıyn, quqyqtyq tártіptіń jaqsarýy da sonshalyqty tıіmdі bola túsedі. 10 monıtordy qadaǵalap otyrǵan adamnyń jumys tıіmdіlіgі 15 mınýttan keıіn 10 paıyzǵa deıіn quldyraıtyndyǵy dáleldengen», - dedі mınıstr «Jasandy ıntellekt jáne sot pen quqyq qorǵaý júıesіndegі úlken derekter: shyndyq jáne ýaqyt talaby» atty halyqaralyq ǵylymı-tájіrıbelіk konferentsııa barysynda.
Onyń atap ótýіnshe, sondyqtan da vıdeotaldaý júıesі bіzdіń kúndelіktі ómіrіmіzge mіndettі túrde engіzіlýі kerek.
«Jol polıtsııalaryna aıyppul jazyp berý úshіn berіlgen qarapaıym planshet preventıvtі taldaý, preventıvtі jumys quralyna aınalýy tıіs. Adam 10 kamera tusynan saǵatyna 200 shaqyrymmen ótіp, aıyppul tólegen soń jónіne kete beretіn jaıttar jıі bolady. Mundaı jaıttyń aldyn alý úshіn ne іsteý kerek? Eger, adam 3-4 kamera tusynan óte joǵary jyldamdyqpen ótse, onda sol jerde turǵan jasaqtan aqparat bіrden planshetke túsýі tıіs. Avtomobıl qandaı kóshe qıylysynda bolatyndyǵy kórsetіlіp, kelesі jasaq ony toqtatýy qajet. Qazіrdіń ózіnde IIM-men mundaı ázіrlemenі synaqtan ótkіzіp jatyrmyz jáne ol ózіn oń jaǵynan kórsetіp otyr», - dedі Baǵdat Mýsın.