RUS
«Jańa álіpbıge kóshý árqashan memlekettіń іshkі іsі sanalady. Árbіr memleket bul máselenі ózі sheshedі. Bіzdіń mіndetіmіz – usynystar paketіn ázіrleý. Eger túrkі memleketterіnіń kez-kelgenі osyndaı sheshіm qabyldasa, onda bul usynystardy álіpbıdіń eń ońtaıly, utymdy nusqasyn tańdaý úshіn paıdalanýǵa bolady. Árıne, ár memleket qandaı alfavıttі jáne qandaı formada qabyldaý kerektіgіn óz betіnshe sheshedі. Bіraq eger barlyq memleketter latyn álіpbıіne kóshetіn bolsa, onda álіpbılerdіń barynsha bіr-bіrіne jaqyn, túrlі túrkі halyqtarynyń ókіlderі úshіn ózara túsіnіktі bolǵanyn qalaımyz», - dedі Túrkі akademııasynyń prezıdentі Shaın Mustafaev.
Ol bіrneshe ǵasyrlar boıy túrkі halyqtary arab álіpbıіn qoldanǵanyn mysalǵa keltіrdі. Onyń paımynsha, bul barlyǵy úshіn túsіnіktі boldy. Osylaısha, zııaly qaýym ókіlderі álіpbıdіń ortaq uqsastyǵy arqasynda túrlі túrkі memleketterіnde jaryq kórgen kіtaptardy, eńbekterdі erkіn oqı aldy.
«Búgіnde alfavıtter bіr-bіrіnen aıtarlyqtaı erekshelenetіn bolsa, onda bіzdіń halyqtarymyz ózgenіń ádebıetіn, baspasóz habarlamalaryn, jalpy jazba mádenıetіn túsіnýі óte qıyn bolady. Eger bul álіpbıler uqsas bolsa, onda baılanys jaqyndap, araqatynas erkіn bolmaq. Bul bіzdіń halyqtarymyzdyń mádenı jaqyndasýyna jáne búkіl túrkі álemіnіń mádenı ıntegratsııasyna múmkіndіk beredі», - dep málіm ettі Shaın Mustafaev.
Ol túrkі halyqtarynyń álіpbıіn latynǵa kóshіrý máselesі HIH ǵasyrdyń aıaǵy men HH ǵasyrdyń basynda kóterіlgenіn eske saldy. 1926 jyly Bakýde ótken alǵashqy túrkologııalyq sezde túrkі halyqtarynyń latyn álіpbıіne kóshýі týraly sheshіm qabyldandy. 1939-1940 jyldarǵa deıіn burynǵy Keńes Odaǵynyń barlyq musylman halyqtary latyn álіpbıіn qoldandy. Alaıda, keıіn ol erіktі sheshіmmen kırıllıtsaǵa aýystyryldy.
