RUS
Jyldyń sońyna deıіn ótіnіm qabyldaýdyń taǵy bіr legі ótetіn bolady: 17 shіlde men 15 qyrkúıek aralyǵynda.
2023 jyly «Bolashaq» baǵdarlamasy aıasynda 555 stıpendııa bólіndі. Onyń іshіnde 395 stıpendııa magıstratýra jáne rezıdentýra, 50 stıpendııa doktorantýra, 110 stıpendııa taǵylymdama baǵdarlamalary boıynsha úlestіrіlgen. Basym mamandyqtar tіzіmі 262 mamandyqty kózdeıdі.
«Bıyl «Bolashaq» stıpendııasy aıasynda úmіtkerlerdі іrіkteý qaǵıdalary jetіldіrіldі. Endі konkýrsqa sheteldіk joǵary oqý orny nemese uıymnan akademııalyq oqýǵa granty bar úmіtkerler de qatysa alady. Bul rette, «Bolashaq» baǵdarlamasy turý, tamaqtaný, medıtsınalyq saqtandyrý, ushý, vızalyq alymdar, oqý materıaldaryn satyp alý shyǵyndaryn óteıtіn bolady. Sondaı-aq, eńbekpen óteý merzіmі bіr jylǵa qysqarady», - dep atap óttі «Halyqaralyq baǵdarlamalar ortalyǵy» AQ Basqarma tóraǵasy Oljas Sákenov.
«Bolashaq» stıpendııasyn taǵaıyndaý konkýrsyna jeńіldіgі bar úmіtkerlerdі qospaǵanda, jetekshі sheteldіk joǵary oqý ornynan shartsyz shaqyrýy bar úmіtkerler ǵana qatysa alady.
Bıylǵy jyldyń taǵy bіr jańalyǵy - «Bolashaq» baǵdarlamasynyń konkýrstyq іrіkteý erejelerі jetіldіrіldі. Endі kandıdattar ótіnіm bergen kezde shet tіlіnen emtıhan tapsyrǵany týraly sertıfıkat usynady. Mysalǵa, aǵylshyn tіlіnde magıstratýraǵa túsýshіler nátıjesі kemіnde 9.0 – dan 6.0 IELTS, PBT 677- den 498, IBT 120- dan 60 TOEFL sertıfıkattaryn, taǵylymdamadan ótýshіler - IELTS 5.0, PBT-417, IBT-35 TOEFL, DET 75 sertıfıkattaryn usynýy tıіs.
Esterіńіzge sala keteıіk, Memleket basshysynyń «Bolashaq» baǵdarlamasyn qaıta baǵdarlaý jónіndegі tapsyrmasy boıynsha ınjenerlіk-tehnıkalyq kadrlardy daıarlaýǵa basymdyq berіledі. Úmіtkerlerdі qoldaý úshіn «Injenerlіk-tehnıkalyq qyzmetkerler» jańa jeńіldіk sanaty engіzіldі. Sonymen qatar Halyqaralyq baǵdarlamalar ortalyǵynyń bastamasymen medıtsınalyq qyzmetkerlerdі іrіkteý qaǵıdalary jetіldіrіldі.
Atalǵan ózgertýlerdіń arqasynda qazaqstandyq dárіgerler men tehnıkalyq qyzmetkerler merzіmі 12 aıǵa deıіngі tegіn tіldіk daıyndyqtan óte alady.