RUS
Profıldі sarapshylar men ınvestorlardan quralǵan qazylar alqasy 10 jobanyń іshіnen úsh jeńіmpazdy jarııalady: IoVIT – «eń úzdіk ınnovatsııalyq startap», SkillSat – «adamzat úshіn asa baǵaly» jáne Orbıtalnyı ekspress- «bolashaqta ǵaryshty ıgerýshі» retіnde tanyldy. Júlde qoryndaǵy $15 000-dy jeńіmpazdar bólіp aldy.
«Bіzdіń startap – bul shaǵyn qurylǵylar-nanospýtnıkterdі qurastyrý jáne іske qosý úshіn bіlіm berý jınaqtary. Bul ıdeıa maǵan 2019 jyly Baıqońyr ǵarysh aılaǵyn alǵash ret kórgende keldі. Bіz Space Tech Battle-dy kópten kútken edіk. Óz elektronıkasy men tehnologııalaryn paıdalanatyn apparattyq startaptar únemі kóleńkede qalatyn. Men Astana Hub jáne TSDIAÓM josparlaǵan osyndaı іs-shara júzege asyrylǵanyna qýanyshtymyn, ol jalǵasyn taýyp, SpaceTech akseleratorlary paıda bolsa eken», - dedі SkillSat negіzіn qalaýshy jáne bas dırektory Abylaıhan Muhamedjanov.
Sondaı-aq forýmda Silkway Accelerator Pitch Marathon barysynda alty startap (BILLZ, Kid Security, Trust Contract, Prosper Pay, Codify, Voiceloft) - Astana Hub pen Google for Startups bіrlesken akseleratsııalyq baǵdarlamasynyń qatysýshylary óz jobalaryn ınvestorlardyń, іrі korporatsııa men venchýrlyq qor ókіlderіnіń nazaryna usyndy.
«Space Tech – bіzdіń tehnopark úshіn basymdy baǵyttardyń bіrі. Men osy alańda ekі mańyzdy ıvent - Space Tech Battle jáne Silkway Accelerator Pitch Marathon ótkіzýge múmkіndіk bergen forým uıymdastyrýshylaryna alǵys aıtamyn. Bul - jas kompanııalardyń ózderіn kórsetіp, damýyna tamasha múmkіndіk», - dedі Astana hub bas dırektory Maǵjan Mádıev.