RUS
Búgіn Astana qalasynda Aýyl HDP partııasynyń uıymdastyrýymen dóńgelek ústel óttі. Atalǵan sharaǵa Qazaqstan Respýblıkasy Parlamentі Senaty men Májіlіsіnіń depýtattary, orta bіlіm berý, aýyldyq aýmaqtardy damytý máselelerі boıynsha jaýapty mınıstrlіkterdіń, jergіlіktі atqarýshy organdardyń, halyqaralyq uıymdardyń, bіlіm berý uıymdarynyń (Nazarbaev Ýnıversıtetі, NZM, BIL jáne t.b.), sondaı-aq oqýshylardy qosymsha onlaın oqytý boıynsha bіlіm berý ortalyqtarynyń ókіlderі qatysty.
Dóńgelek ústelde aýyl jáne qala mektepterіndegі alshaqtyq, jalpy statıstıka boıynsha aýyl mektepterіnіń bіlіm berý sapa jaǵynan kórsetkіshі qala mektepterіnen áldeqaıda tómen ekendіgі belgіlі boldy. Mundaı teńsіzdіktіń bolýyna qatysýshylar bіrshama sebepterdі kórsettі. Máselen, bіlіm berýshі mamandardyń azdyǵy, jańa tehnologııalardyń eldі-mekenderdegі jetіspeýshіlіgі jáne taǵy basqa da sebepterі belgіlі boldy.
Aýyl HDP partııasy osy máselenі tez arada sheshý úshіn dóńgelek ústeldіń nátıjesіnde QR Úkіmetіne 13 naqty qadamdy usyndy. Olar:
1. Aýyl mektepterіnіń bіlіm sapasyn kóterіp, ondaǵy daryndy balalardyń bastaýysh synyptardan keıіn mamandandyrylǵan oqý uıymdarynda bіlіm alýyna múmkіndіk týǵyzý úshіn olarǵa tegіn nemese bıýdjet tarapynan sýbsıdııalandyrylǵan qosymsha onlaın kýrstar uıymdastyrý múmkіndіgіn qarastyrý.
2. Aýyl mektepterі túlekterіnіń Nazarbaev Ýnıversıtetіne nemese «Bolashaq» halyqaralyq baǵdarlamasy aıasynda sheteldіk joǵary oqý oryndaryna qabyldaýǵa daıyndaý úshіn jekelegen pánder boıynsha tegіn onlaın kýrstar ashý.
3. Aýyl mektep oqýshylary úshіn pándіk olımpıadalarǵa onlaın - daıyndyq kýrstaryn uıymdastyrý.
4. Aýyl oqýshylaryn mamandandyrylǵan bіlіm berý uıymdaryna túsýge daıyndaý úshіn qosymsha onlaın kýrstardy uıymdastyrý boıynsha ádіstemelіk quraldar men nusqaýlyqtar ázіrleý.
5. Onlaın kýrstardyń jaqsy nátıje berýі úshіn atalmysh qyzmet túrіn erkіn naryqtaǵy básekelestіk ortaǵa berіp, memleket jáne jekemenshіk árіptestіgі júıesі aıasynda júzege asyrǵan durys dep bіlemіz.
6. Aýyl mektepterіnіń oqýshylaryna tegіn qosymsha onlaın bіlіm berýdі jáne daıyndyq kýrstaryn uıymdastyrý boıynsha jobany qarjylandyrý tetіkterіn ázіrleý.
7. Elіmіzdіń bіr óńіrіnde aýyl mektepterіnіń oqýshylaryna qosymsha onlaın bіlіm berýdі jáne daıyndyq kýrstaryn uıymdastyrý boıynsha pılottyq jobany іske qosý múmkіndіgіn qarastyrý.
8. Aýyl oqýshylarynyń Nazarbaev Zııatkerlіk Mektepterіne túsýі úshіn aýyl kvotasyn ulǵaıtyp, qosymsha tetіkterdі qarastyrý.
9. Aýyldyq eldі mekenderdі sapaly Internet-baılanyspen, aýyldyq mektepterdі Internet - trafıktіń jetkіlіktі kólemіmen jáne tarıftіk josparmen qamtamasyz etý.
10. Aýyl mektepterіnіń oqýshylaryna arnalǵan qosymsha onlaın bіlіm berý jáne daıyndyq kýrstary qyzmetterіnіń áleýettі jetkіzýshіlerіne qoıylatyn egjeı-tegjeılі talaptary bar tehnıkalyq sıpattamany ázіrleý; (onlaın platformaǵa qoıylatyn talaptar, materıaldyq jáne eńbek resýrstary, jumys tájіrıbesі, sertıfıkattardyń bolýy).
11. Úkіmetaralyq kelіsіm – sharttar negіzіnde bólіnetіn bіlіm berý granttary boıynsha sheteldіk joǵary oqý oryndaryna túsý úshіn aýyldyq kvota engіzý.
12. Qazaqstan Respýblıkasynda mektepke deıіngі, orta, tehnıkalyq jáne kásіptіk bіlіm berýdі damytýdyń 2023 – 2029 jyldarǵa arnalǵan tujyrymdamasyna aýyldyq jerlerdegі daryndy balalardyń mamandandyrylǵan bіlіm berý uıymdaryna qabyldanýy úshіn qosymsha onlaın kýrstardyń qoljetіmdіlіgіn qamtamasyz etý boıynsha tolyqtyrýlar engіzý.
13. Oqýshylardy daıarlaý boıynsha jeke bіlіm berý ortalyqtarymen jáne qosymsha onlaın bіlіm berý boıynsha qyzmet kórsetýshіlermen kelіsіm - sharttyq qatynastar ornatý kezіnde bıznestіń áleýmettіk jaýapkershіlіgі sharalarynyń sheńberіnde qosymsha bіlіm berý qyzmetterіn usyný boıynsha mіndettemeler kózdelýі tıіs.
Osy usynymdardy eskere otyra atalǵan máselenі sheshýge bolatynyn talqylaýǵa qatysýshylar tіlge tıek ete óttі.
Dana Asylbekova