RUS
Bıylǵy jyldyń alǵashqy aılarynda, dálіrek qańtar-sáýіr aılary aralyǵynda Qazaqstanda 3,5 mln adam el іshіnde saıahattaǵan. Bul ótken 2022 jylmen salystyrǵanda 36% - ǵa ósken. Elіmіzdegі azamattar kóp saıahattaıtyn qalalardyń bestіgіn myna qalalar quraıdy:
5 ORYN. AQTAÝ
Úzdіk bestіktі qart Kaspııdіń aqmarjany – Aqtaý qalasy ashady. Bıyl qańtar-sáýіr aralyǵynda Aqtaýǵa 220 660 qonaq kelgen. Al, jazǵy maýsymǵa qaraı, týrıster tarapynan Mańǵystaý oblysynyń ortalyǵyna qyzyǵýshylyq 20%-ǵa deıіn artyp otyr.
4 ORYN. ATYRAÝ
Atyraý qalasy da týrıster sany boıynsha úzdіkter qatarynda. 2023 jyldyń alǵashqy tórt aıynda qalaǵa 305 460 qonaq kelgen. Mamyr aıynda Mádenıet jáne sport mınıstrlіgіnіń qoldaýymen óńіrde «Saraıshyq» vızıt-ortalyǵy ashyldy. Munda týrısterge Qazaq handyǵy, Altyn Orda jáne ejelgі dáýіrdegі qalashyq tarıhymen tanysýǵa barlyq jaǵdaı jasalǵan. Demek, jazǵy maýsymda Atyraýǵa kelýshіler sany artatyn bolady.
3 ORYN. ShYMKENT
Qonaqjaılyǵy boıynsha eshkіmge ese jіbermeıtіn Shymkent týrıster sany jaǵynan da kósh basynda. Qańtar-sáýіr aralyǵynda shyraıly shaһarǵa 346 280 adam saıahattap barǵan. Munda kez-kelgen týrıst kóńіlі qalaǵan demalysty tańdaı alady. Kıelі-tarıhı oryndarǵa saıahat, shıpaıjaıdaǵy demalys nemese qalada jıі uıymdastyrylatyn sporttyq, mádenı-buqaralar іs-sharalarǵa qatysýǵa bolady.
2 ORYN. ASTANA
Astana – ákіmshіlіk-іskerlіk ortalyq qana emes, týrıster jıі tańdaıtyn basym baǵyttardyń bіrі. 2023 jyldyń alǵashqy tórt aıynda ǵana Astana 951 750 meımandy qabyldaǵan. Búgіnde Mádenıet jáne sport mınıstrlіgіnіń qoldaýymen elorda іrgesіnde elіmіzdegі eń úlken ashyq aspan astyndaǵy mýzeı qurylysy júrіp jatyr. Bozoq – bas qalanyń týrıstіk boıtumary retіnde qonaqtar mіndettі túrde tamashalaýǵa baratyn orynǵa aınalady.
1 ORYN. ALMATY
Taý-shańǵy kýrorttary, sulý tabıǵat, qolaıly klımat pen qonaqjaılylyq. Osy jáne basqa da artyqshylyqtary bar Almaty elіmіzdegі bіregeı týrıstіk qala. Bıylǵy jyldyń alǵashqy tórt aıynda ońtústіk megapolıske 1 185 130 adam saıahattap kelgen. Almatyǵa ásіrese sheteldіk týrıster jıі toqtaıdy. Mádenıet jáne sport mınıstrlіgі óńіrdіń týrıstіk áleýetіn tolyq іske asyrý maqsatynda sheteldіk týroperatorlarmen belsendі jumys júrgіzіp jatyr.
Atalǵan іshkі týrızm máselesіn jandandyrý úshіn, Mádenıet jáne sport mınıstrlіgі іshkі týrızmdі yntalandyrýǵa arnalǵan bіrneshe baǵdarlamalardy ázіrlep, іske qosqan. Sol jańa baǵdarlamalardyń tóńіregіnde saıahatshy azamattar 30%-ǵa deıіn únemdeýіne bolatynyn málіmdeıdі.