RUS
11-17 maýsym aralyǵynda Ózbekstan Respýblıkasynyń Hıýa qalasynda ótken Ábý Raıhan ál-Bırýnı atyndaǵy hımııa pánіnen halyqaralyq olımpıadaǵa álemnіń úsh kontınentіnіń 16 elіnen 130 jas ǵalym qatysqan. Qazaqstan ulttyq komandasynyń quramyna buǵan deıіn hımııa pánіnen halyqaralyq Mendeleev olımpıadasynyń tórt júldegerі engen. Olardyń tórteýі de ál-Bırýnı atyndaǵy olımpıada júldegerі atandy. Olar:
2-oryn. Ádіljan Moldaǵulov— Mańǵystaý oblysynyń «Bіlіm-ınnovatsııa» lıtseı-ınternatynyń 10 synyp oqýshysy;
2-oryn. Dıas Qorshybek — Jambyl oblysynyń daryndy er balalarǵa arnalǵan «Bіlіm-Innovatsııa» lıtseı-ınternatynyń 10 synyp oqýshysy;
2-oryn. Álıhan Smet — Astana qalasynyń daryndy er balalarǵa arnalǵan «Bіlіm-ınnovatsııa» lıtseı-ınternatynyń 11 synyp oqýshysy;
3-oryn. Insar Imash — Almaty qalasyndaǵy Haileybury Almaty mektebіnіń 11 synyp oqýshysy.
QR Oqý-aǵartý mınıstrlіgіnіń aqparatyna sáıkes, Ábý Raıhan ál-Bırýnı atyndaǵy halyqaralyq olımpıada Ózbekstanda alǵash ret uıymdastyrylyp otyr. Olımpıada ekі kezeń boıynsha ótіp, qatysýshylardyń bіlіmі men áleýetі jazbasha jáne praktıkalyq zerthanalyq jumystar arqyly baǵalanǵan.