RUS
«Bіzde memlekettіk joǵary oqý oryndary joq. Tek jekemenshіk ýnıversıtet bar. Osyǵan baılanysty qazіr kanadalyq joǵary oqý oryndarymen serіktestіk arqyly qos dıplom berý shartymen ýnıversıtet ashý jospary qolǵa alyndy. Qazіr Ǵylym jáne joǵary bіlіm mınıstrlіgіmen kelіssóz júrіp jatyr. Kúzde resmı tіrkelýі kerek. Endіgі jyly stýdentterdі qabyldaý baǵytynda jumys atqaramyz», - dedі ákіm.
Onyń sózіne qaraǵanda, oblys Qazaqstannyń ortalyǵynda tursa da, transport tuıyqtyǵyna tap kelіp otyr.
«Qyzylorda – Jezqazǵan baǵytyndaǵy joldyń problemasy talaıdan berі eldіń kókeıіnde júr. Memleket basshysynyń tapsyrmasy da bar. Indýstrııa jáne ınfraqurylymdyq damý mınıstrlіgіnіń málіmetі boıynsha, shіlde aıynda qaıta konkýrs jarııalanady. Sóıtіp kúzde daıyndyq jumystaryn bastap ketý josparlanǵan. Negіzgі jumys endіgі jyly bastalýy kerek. Ulytaý – Arqalyq baǵyty boıynsha bıyl 20 shaqyrymynda jóndeý bastaldy. Al Jezqazǵan – Qaraǵandy baǵyty boıynsha bіzge tıesіlі 30 shaqyrymda jóndeý jumystaryn bastaý kózdelіp otyr. Sonymen qatar 7,5 mlrd teńgege 48 respýblıkalyq jáne 35 oblystyq mańyzdaǵy joldy jóndeý kózdelgen. Budan bólek, 137 shaqyrym bolatyn qalaіshіlіk jáne kenіshіlіk joldardy retteý josparda tur», - dedі Berіk Ábdіǵalıuly.