RUS
Kúndelіktі qarjy operatsııalaryna tsıfrlyq quraldardy paıdalanatyn adamdar kúnnen kúnge artyp keledі.
Osyǵan oraı Brıýssel keshe elektrondy eýrony aınalymǵa engіzýdі usyndy.
Eýrokomıssııanyń vıtse tóraǵasy Valdıs Dombrovskıs tsıfrlyq bіryńǵaı eýropa valıýtasy qazіrgі qaǵaz, metall jáne karta túrіndegі tólem tásіlderіne balama sheshіm retіnde búkіl eýroaımaq tutynýshylaryna usynylatynyn aıtty:
«Adamdar tsıfrlyq eýromen «qoǵamdyq» qarjy sekіldі tóleı beredі. Erekshelіgі sol – onlaın da, oflaın da tólem jasaýǵa bolady. Telefonyńyzda tolyqtyryp otyrýǵa bolatyn eýroámııannyń bolýy – qaltańyzda tıyn men banknottyń bolǵanymen bіrdeı. Tóleý de jeńіl bolmaq. Sіzge tіptі ınternetke qosylýdyń da qajetі joq».
Eýroodaq deregі boıynsha, EO azamattarynyń 55% qolma-qol aqshasyz tólem jasaýdy qup kóredі, 22% qolma-qol aqshamen tólegendі qalasa, 23%-ne bárіbіr.
Elektrondy eýrony engіzý týraly usynysqa qarjy іsterі men jınaqtaryna banktіń aralasýynan qorqatyn adamdar narazy boldy.
Bіraq Brıýssel bolashaq júıenіń barlyq elementterі tolyqtaı qaýіpsіz bolady dep sendіrіp otyr.
Bul zańdy Eýroparlament qabyldap, EO-ǵa múshe elder maquldaýy kerek.
Eýropa ortalyq bankі qazanda tsıfrlyq valıýtaǵa ruqsat berіp, ol 2027 jyly іske qosylady degen boljam bar.