RUS
Tramp beısenbіde Reuters agenttіgіne bergen suqbatta, Pýtın sátsіz kóterіlіs nátıjesіnde "bіrshama álsіredі", sondyqtan Amerıka Qurama Shtattarynyń Reseı men Ýkraına arasyndaǵy kelіssózder arqyly beıbіt kelіsіm jasaıtyn ýaqyt keldі degen málіmdeme jasady.
"Men bul paıdasyz soǵysta adam ólіmі toqtaǵanyn qalaımyn", - deıdі Tramp.
Qazіr respýblıkalyq partııa boıynsha prezıdenttіkke úmіtkerler arasynda AQSh-taǵy saýalnamalarda kósh bastap turǵan Donald Tramp soǵysty toqtatý úshіn Ýkraına bılіgі jerіnіń bіr bólіgіn Reseıge berýі kerek ekenіn joqqa shyǵarmady.
Tramp eger ózі prezıdent bolsa, kelіssózdermen soǵysty qalaı da bolmasyn toqtatatynyn aıtty. Ýkraınaǵa óz jerіn berý kerek dese de, óz jerіn janqııarlyqpen qorǵaıtyn ýkraındyqtar "zor qurmetke laıyq" ekenіn qosa aıtty.
"Menіń oıymsha, olar (Ýkraına - red.) osyǵan deıіn qaıtaryp alǵan jerlerdі ózderіne qaldyrýǵa haqy bar, Reseı de buǵan kelіser edі. Jaqsy kelіssóz júrgіzetіn adam kerek, al qazіr ol joq", - deıdі Tramp Reuters agenttіgіne sіlteme jasap.
"AQSh-tyń dál qazіr іsteýі kerek eń mańyzdy qadamy - ekі tarapty bіrіktіrіp, Reseı men Ýkraınany tatýlastyrý. Endі ekі tarapty tatýlastyrý arqyly beıbіtshіlіkke qol jetkіzetіn ýaqyt keldі", - deıdі prezıdenttіkke úmіtker Tramp.
Eske sala ketsek, Ýkraına bılіgіnіń soǵysty toqtatýǵa baǵyttalǵan kelіssózde qoıǵan sharty – Reseı áskerі Ýkraınanyń halyqaralyq bekіtіlgen jer aýmaǵynan shyǵýy jáne ony moıyndaýy.
Al Reseı tarapynyń kelіssózderdegі sharty – basyp alynǵan aýmaqtar Reseıdіń baqylaýynda bolýy kerek jáne soǵan Ýkraına bılіgі “kónýі” kerek. Dese de, ekі jaq álі kúnge deıіn bіtіmge kele almaı otyr.