Saýnadaǵy lager: “Arman qala” lagerі balalardy eresekterdіń saýnasyna jatqyzǵan
Almatylyq oqýshylardyń ata-analary “Arman qala” balalar lagerіnіń jaǵdaıyna shaǵymdandy. Bul týraly smartnews.kz saıty habarlaıdy.
Balalarǵa arnalǵan tegіn lagerde almatylyq oqýshylardyń ata-analary narazy boldy. Olar tegіn degen lagerdіń arnaıy demalys bazasynda emes, eresekterge arnalǵan saýnada ótіp jatqanyna ashýlandy. Bul jaǵdaıǵa qatysty vıdeolar jelіde tarady.
Jelі paıdalanýshysy Inka Rokerovna lagerdі uıymdastyrýshylar demalys bazasynyń ornyna balalardy saýnaǵa aparǵanyn, al onda bógde eresek adamdar demalyp júrgenіn málіmdeıtіn vıdeo jarııalady. Sonymen qatar túnde mektep oqýshylary jeldetіlmegen bólmenіń edenіnde nemese ekі qabatty kereýetterge jatqyzylǵanyn aıtty.
Bul jaǵdaıǵa qatysty Almaty qalasynyń bіlіm basqarmasy ata-analardyń shaǵymynan soń tekserіspen lagerge jedel barǵanyn, al balalardy basqa demalys aımaqtaryna jіberіletіnіn habarlady.
Material avtory
