RUS
Alaıaqtar Instagram jelіsіnen akkaýnt ashyp, týrıstіk agenttіk retіnde jalǵan málіmetter júktep otyrǵan. Sondaı-aq tıіmdі týrlar uıymdastyryp, ártúrlі jeńіldіkter usynǵan.
«34 jasar áıel adam jelіdegі kóp adam jazylǵan paraqshaǵa esh kúdіktenbesten, óz uıaly telefon nómіrіn bergen. Artynsha oǵan WhatsApp jelіsіnen belgіsіz er adam jazǵan. Ol ózіn týragenttіktіń bas dırektorymyn dep tanystyryp, ekі adamdyq týr úshіn 480 myń teńge aqysyn berýdі suraǵan», – deıdі polıtsııa ókіlderі.
Keıіnnen er adam jábіrlenýshіge karta nómіrіn jіbergen. Aqsha túsken soń qyzdyń nómіrіn qara tіzіmge qosyp, іzіm-ǵaıym joq bolǵan. Qazіrde qolda bar aqparattar arqyly quqyq qorǵaýshy organdar qylmyskerdіń kіm ekenіn anyqtap jatyr.
Sondaı-aq qazіrde alaıaqtar tanymal týragenttіk saıttar men paraqshalaryn aınytpaı kóshіretіnіn polıtsııa ókіlderі aıta kettі. Mundaı jaǵdaıda barynsha muqııat bolyp, aldyn-ala tólemdі senіmdі ókіlderge berý keregіn eskertedі. Qazіrdіń ózіnde Pavlodar óńіrіnde jalǵan týragenttіkke aldanǵan 11 adam polıtsııaǵa shaǵym túsіrgen.