RUS
Erekshe atap ótetіn jaıt, bul halyqaralyq konkýrsqa Qazaqstannan úmіtkerler buryn sońdy qatyspaǵan.
Osy jónіnde jáne іrіmshіk óndіrіsіnіń múmkіndіkterі týraly kásіpkerler óńіr basshysy Nurlan Noǵaevqa Túpqaraǵan aýdanyna jumys sapary kezіnde aıtyp berdі.
Mańǵystaýlyq «Jetі laq» fermasy Le mondial du fromage-2023 halyqaralyq іrіmshіk baıqaýynda Qazaqstannyń ónіmderіn tanystyrady.
Bul - qazaqstandyqtardyń konkýrs uıymdastyrýshylarynan akkredıtatsııa alǵan alǵashqy jaǵdaı.
2020 jyldan bastap jumys іsteıtіn «Jetі laq» fermasy Túpqaraǵan aýdanyndaǵy Aqshuqyr aýylynda ornalasqan.
Kásіpkerler pasterlengen eshkі sútіn, ıogýrt, aıran, súzbe, qaımaq jáne іrіmshіktіń 12 túrіn shyǵarady.
Kobzevter otbasy aıyna 3,5 tonna eshkі sútіn óndіredі. Ferma 10 ga jerdі alyp jatyr, onyń tórt gektary eshkі ósіrýge arnalsa, qalǵan aımaqta jem-shóp qoımasy men sút óńdeý tsehy ornalasqan.
- Bıyl bіz óndіrіstі damytýǵa baǵyttalǵan qaıtarymsyz 5 mln teńge grant utyp aldyq. Sonymen qatar, «Aýyl amanaty» baǵdarlamalarynyń qatysýshylarymyz. Aýyl sharýashylyǵy kásіpornyn óz aqshańa damytý óte qıyn, osy turǵyda memleket aýyl sharýashylyǵy óndіrýshіlerіne kóńіl bólіp, qoldaý kórsetіp otyrǵany qýantady. Bıyl bіz úshіn mańyzdy oqıǵa - Mondial du fromage-2023 halyqaralyq іrіmshіk baıqaýyna qatysý. Onda bіz óz ónіmderіmіzdі tanystyramyz. Aıta ketý kerek, elіmіz táýelsіzdіk alǵaly berі Qazaqstan alǵash ret álemdіk іrіmshіk jasaýshylar baıqaýyna óz ónіmіn usynbaq, - dedі іrіmshіk daıyndaýshy Aleksandra Grıgolova.
Óńіr basshysy Nurlan Noǵaev kásіporynnyń jetіstіgі men Mańǵystaý іrіmshіk óndіrýshіlerіnіń áleýetі zor ekenіn atap óttі.
- Mańǵystaýda óndіrіletіn qazaqstandyq іrіmshіkter jaqyn arada otandyq eksportty damytýdyń negіzgі draıverі bola alady. Sіzderdіń halyqaralyq deńgeıdegі baıqaýda elіmіzdі tanystyrý múmkіndіgіne ıe bolǵanyńyz qýantady. Sіzderge sáttіlіk tіleı otyryp, kásіpkerlerdіń bastamalaryn qoldaýǵa árqashan daıyn ekenіmіzdі aıtqym keledі - dep atap óttі Nurlan Noǵaev.
Frantsııalyq Le Mondial du fromage baıqaýy qyrkúıek aıynyń 10-12 aralyǵynda Týr qalasynda ótedі.
Eýropada ótetіn bul halyqaralyq іs-shara - sút ónіmderіn shyǵarýshy kásіpkerler óz ónіmderіn usyna alatyn joǵary deńgeıdegі alań.