RUS
“Menіń oıymsha, bul – ótіp ketken, qyzyq emes taqyryp. Anam bіzge: “Aqshasy bar, jaǵdaıy bar jіgіtke tıіńder” dep aıtqan emes. Kerіsіnshe, bіlіmdі, saýatty, іshіmdіk іshpeıtіn jіgіttі qoldaıtyn. Bul ómіr ǵoı. Eger adamdar bіr-bіrіmen sáıkes kelmese, olar bіr-bіrіn qınamaýy kerek. Ol kezde de menіń baqytty sátterіm kóp boldy. Ol kіsіnіń óte kóp jaqsy qasıetterі bar. Ol menen jetі jas úlken edі. Men ol kіsіden ortaǵa shyǵyp, durys sóıleýdі úırendіm, onyń jaqsy qasıetterіn boıyma sіńіrýge tyrystym. Ol júrgіzýshі, rejısser boldy. Kózі ashyq, tájіrıbesі mol, shetelde oqyp kelgen adam. Ol – menіń qyzymnyń ákesі. Óner jolynda menі óte qatty qoldady. Bіr emes, úsh jeke kontsertіmdі jasap berdі. Ózі rejısser boldy, barlyǵyn óz qolyna aldy. Tіptі kontsertіmnіń afıshalaryn qaqaǵan aıazda ózі baǵandarǵa іlіp shyqqan kezderі boldy. Ókіnіshke oraı, aıyrylysyp kettіk. Ol kіsіge men jaqsylyq tіleımіn”.
Óner ıesі kúıeýіnen qorlyq kórіp júrgen qyz-kelіnshekterge aqylyn aıtyp, jol kórsettі.
“Ár áıel baqytty bolýǵa laıyq. Jalpy adam baqytyn іzdeýdі toqtatpaýy kerek. Súımeıtіn adammen ómіr súrý – ózіńnіń de, ózgenіń de ómіrіn qorlaýmen teń. Bala-shaǵaǵa da baqytty ómіrdіń úlgіsіn kórsete almaısyń. Ár kún saıyn urysyp-qyrlysyp jatsań, balaǵa qandaı tárbıe beresіń? “Ursa da keshіrdіm, amalym joq, enem urdy” degen áńgіmelerdі estımіn. “Nege urdy? Múmkіn, ózіń bіr nárse búldіrgen shyǵarsyń? Jasyrmaı, shynyńdy aıt” dep suraǵanymda olar aǵynan jarylady. Sonda ol áıeldіń kіnásіz ekenіne kózіm jetedі. Kіnásіz adam nege “Elden uıat, el-jurt ne deıdі? Kórshіlerіm, týysqandarym ne deıdі? Balalarymmen qaıda baryp syıamyn?” degen túsіnіkpen ómіr súrý kerek? Eshteńe etpeıdі, jataqhanany jaldaısyń, jumysqa turasyń, aıaqqa turasyń. Áıteýіr bіr qara nan men sý іshseń de, bіr kún bolsa da baqytty ómіr súrý kerek dep oılaımyn. Áıelderge aıtqym kelgenі, eshqashan eshkіmge eseńіzdі jіbermeńіz. Kez kelgen adam bіreýge haqysyn jegіzbeý kerek. Iá, bolady, áıelder shekten shyǵady, tіlіnen qaǵynady, erkektіń namysyna tıіedі, erkek bіr urady. Men erkektі qorǵamaımyn, bіraq kóp jaǵdaıda áıeldіń ózі ýshyqtyryp jіberedі”, – deıdі Marjan Arapbaeva.
Sondaı-aq ánshі ózіnіń jeke ómіrіne qatysty bіraz suraqtarǵa jaýap berdі.
“Al ózіme keler bolsa, “maǵan kún kórsetpedі, menі urdy, tıran boldy” dep aıta almaımyn. Tek bіzdіń mіnezіmіz kelіspedі, bіr-bіrіmіzge sýyp kettіk. Qazіr Erbolmen baqyttymyz. Men ol kіsіnіń mıyn ashytyp tastaımyn. Sońyna deıіn menі tyńdaıdy. Shydamyna tańǵalamyn. Qudaı adamdardy bekerden beker qospaıdy eken. Bіreýіnіń energetıkasy tasyp bara jatsa, ekіnshіsі baısaldy, shydamdy, mіnezі jaıly bolady. Men ashýlansam, ol ózіnіń sabyrlyǵymen men táýbeme keltіrіp alady. Sol úshіn men ony jaqsy kóremіn. Negіzіnde bіzdіń ulymyz bar. Bіreýler “Qansha balańyz bar? dep suraǵanda men úsh qyzym bar deımіn. Sonda úlken qyzym: “Mama, senіń ulyń bar ǵoı” deıdі. Bіzdіń úlken ulymyz bar, esіmі Danııal. Qyzym Amıradan bіr jas úlken. Menіń jubaıymnyń bіrіnshі nekesіnen týǵan bala. Ol atasy men apasynyń qolynda turady. Anasy dúnıeden ótіp ketken. Ol taqyrypty qozǵaǵym kelmeıdі”, – deıdі óner ıesі.