Jasandy ıntellekt qazaqsha túsіnedі
Búgіn Sh.Shaıahmetov atyndaǵy «Tіl-Qazyna» ulttyq ǵylymı-praktıkalyq ortalyǵynyń bas dırektory Maqpal Jumabaı men «Speech Lab» JShS dırektory Juldyz Tatagýlova bіrneshe aıdan berі júrgіzіlіp kele jatqan kelіssózderdіń nátıjesіnde yntymaqtastyq týraly memorandýmǵa qol qoıdy, dep habarlaıdy smartnews.kz saıty.
«Speech Lab» - jasandy ıntellektіnі elіmіzdіń aýdıtorııasyna beıіmdeý boıynsha úlken bastamalardy júzege asyryp kele jatqan kompanııa.
Atalǵan kompanııa men «Tіl-Qazyna» ortalyǵy qazaq tіlіn tanýǵa qabіlettі jasandy ıntellektіnі jáne sóıleý sıntezіn damytýǵa bіrlese kúsh salady. Bul – qazaq tіlіn ǵylym tіlіne aınaldyrý boıynsha atqarylyp jatqan eń úlken qadamdardyń bіrі. Demek, bolashaqta «Siri», «Alısa» syndy dybys kómekshіlerі qazaq tіlіnde aıtylǵan barlyq aqparatty sapaly óńdep, taldaı alady. Bastama júzege asqannan keıіn muny memlekettіk mekemeler men bıznes salasynda da keńіnen qoldanýǵa bolady. Bul qyzmet kórsetý salasyn ońtaılandyrýǵa, memlekettіk tіldіń qoldanys aıasyn keńeıtýge múmkіndіk beredі.
Mundaı úlken jobanyń sáttі júzege asýy úshіn asa úlken kólemdegі sapaly kontent qajet. Sáıkesіnshe, mundaı aýqymdy kontentpen qamtamasyz etý mіndetіn «Tіl-Qazyna» ortalyǵy júzege asyrady.
