«Halal toıda mas bolyp, soqqyǵa jyǵylǵan»: ánshі Ulanǵasyr Qamıevtіń ókіlі jelіdegі vıdeoǵa pіkіr bіldіrdі

Vıdeoda ánshіnіń aldymen toıda án aıtyp turǵany, keıіn jartylaı jalańash tóbelesіp jatqany, artynan soqqyǵa jyǵylǵany kórsetіlgen.

«Jetіsý oblysynyń Úsharal qalasynda 29 shіldede bolǵan sharanyń bіrіnde mas kúıde júrgen ónerpazdardyń bіrі toı qonaqtarymen tóbelesken. Bul belgіlі ánshі Ulanǵasyr Qamıev ekenі aıtyldy», - delіngen vıdeo jazbasynda. 

Bul jaǵdaıǵa qatysty Jetіsý polıtsııa departamentі ókіlderі pіkіr bіldіrdі. 

«Bul derek boıynsha Alakól aýdandyq polıtsııasyna aryz-shaǵymdar túspegenіn habarlaımyz. Alaıda іs júrgіzý barysynda ónerpazdyń merekelіk sharada mas kúıіnde bolǵany rastaldy (toı halal ótken). Qazіr quqyqbuzýshy QR Ákіmshіlіk quqyqbuzýshylyq týraly kodeksіnіń 440-babyna sáıkes (Alkogoldіk іshіmdіkterdі ishý nemese qoǵamdyq oryndarǵa masań kúıde kelý) ákіmshіlіk jaýapkershіlіkke tartyldy», - delіngen jaýapta. 

Massaget.kz redaktsııasy bul oqıǵaǵa qatysty pіkіr alý úshіn Ulanǵasyr Qamıdіń ókіlderіne habarlasty. 

«Vıdeomaterıalmen tanysyp shyqtym. Mundaı jaǵdaı bolǵan emes. Montajben jasalǵany kórіnіp tur. Sіzderden ótіnerіm, menіń ánshіmnіń tarapynan halyqqa jalǵan aqparat taratpaýlaryńyzdy suraımyn», - dedі óner ıesіnіń ókіlі.