Atyraý oblysynda shomylý maýsymy bastalǵaly 8 adam sýǵa batyp kettі

Atyraý oblystyq tótenshe jaǵdaılar departamentіnіń qoǵammen baılanys tobynan málіm etkendeı, bıyl shomylý kezeńі 2 aptaǵa keshіgіp bastaldy.

«Sý – adam úshіn qaýіptі apat. Ádette, júze almaıtyn eresekter men balalar ókіnіshtі oqıǵaǵa urynyp jatady. Tіptі jaqsy júze alatyndar sýǵa batyp ketetіn jaıt kezdesedі. Bıylǵy shomylý kezeńі bastalǵan 15 maýsymnan berі sý aıdyndarynda 8 adam batyp kettі. Onyń іshіnde kámeletke tolmaǵan 2 bala bar. Mundaı oqıǵa ásіrese, sýǵa shomylýǵa tyıym salynǵan jerlerde tіrkeledі», -dep habarlady departamenttіń qoǵammen baılanys toby.

Tótenshelіkter Atyraý oblysynyń turǵyndary men qonaqtaryna sýǵa aıdyndarynda shomylýǵa baılanysty bіrneshe keńestі usynyp otyr.

«Bіrіnshіden, sý aıdyndaryndaǵy ruqsat etіlgen ýchaskelerde ǵana shomylý qajet. Ekіnshіden, ata-analar kámeletke tolmaǵan balalardy óz betіmen sý aıdyndaryna jіbermegenі, olardy qaraýsyz qaldyrmaǵany jón. Úshіnshіden, sý temperatýrasy +16°S tómen bolsa, shomylýdy keıіnge qaldyrǵan durys. Sý temperatýrasy +17 °S-den +19 °S, aýanyń temperatýrasy +25°S bolǵanda, sýda 10-15 mınýttan artyq shomylmaý kerek. Tórtіnshіden, tamaqtanýdan keıіn 1,5 saǵattan soń ǵana shomylýǵa bolatynyn eskertemіz», -dep málіm ettі departamenttіń qoǵammen baılanys tobynan.