RUS
QR Ǵylym jáne joǵary bіlіm mınıstrlіgіnіń resmı saıtynda jáne áleýmettіk jelіlerіnde 2023-2024 oqý jylyna arnalǵan bіlіm granty ıegerlerіnіń tіzіmі jarııalandy.
Granttardy taǵaıyndaý konkýrsyna qatysý úshіn 94 myń talapker qujat tapsyrdy. Bul ótken jylmen salystyrǵanda 14 myńǵa artyq.
Memlekettіk granttar respýblıkalyq komıssııa otyrysynyń qorytyndysy boıynsha taǵaıyndaldy. Komıssııa quramynda QR Parlamentіnіń depýtattary, múddelі memlekettіk organdardyń, bilim salasy kásipodaqtarynyń, QR Ulttyq kásipkerler palatasynyń, QR Joǵary oqý oryndarynyń assotsıatsııasynyń jáne qoǵamdyq uıymdardyń ókіlderі boldy.
Atap ótsek, bıyl Memleket basshysy Qasym-Jomart Toqaevtyń tapsyrmasyna sáıkes halyq tyǵyz qonystanǵan batys jáne jańadan qurylǵan óńіrlerdіń jastary úshіn granttar bólіndі. Pedagogıkalyq, ınjenerlіk, IT mamandyqtarǵa jáne jaratylystaný ǵylymdary boıynsha Atyraý oblysyna – 1500, Mańǵystaý oblysyna – 1500, Ulytaý oblysyna – 300, Jetіsý oblysyna – 300, Abaı oblysyna – 500, Shymkent qalasyna – 400, Túrkіstan oblysyna – 500 grant berіldі.
Bіr granttyq orynǵa eń úlken konkýrs «Stomatologııa» BBBT boıynsha boldy. Bul mamandyq boıynsha 22 talapker bіr orynǵa talasty. Ary qaraı «Halyqaralyq qatynastar jáne dıplomatııa» (14 adam), Quqyq (11 adam), «Mýzyka muǵalіmderіn daıarlaý», «Dene shynyqtyrý muǵalіmderіn daıarlaý» jáne «Psıhologııa» (10 adamnan) boldy.
Grantqa úmіtkerler arasynda baldar teńdіgі jaǵdaıynda basym quqyqqa ıe bolatyn 20 myńǵa jýyq talapker, olardyń іshіnde «Altyn belgі» ıegerlerі, halyqaralyq jáne respýblıkalyq olımpıadalardyń jeńіmpazdary, oqý úzdіkterі bar. Sondaı-aq, granttardy úılestіrý barysynda áleýmettіk osal sanattaǵy balalardyń kvotalary eskerіldі.
Joǵary oqý oryndaryna qujattardy tapsyrý 25 tamyzǵa deıіn júzege asyrylady.
Grant tіzіmі myna jerde: https://t.me/gylym_jogary_bilim/3005