RUS
Mádenıet jáne sport mınıstrlіgіnіń bergen deregіne sáıkes, sońǵy 3 jylda sportpen, árі dene shynyqtyrýmen aınalysatyn erekshe qajettіlіkterі bar adamdardyń sany 25,3%-ǵa óstі. Eger 2020 jyly 38 352 bolsa, 2023 jyldyń basynda bul kórsetkіsh 51 325 adamǵa jettі.
Sportpen shuǵyldanatyn erekshe qajettіlіkterі bar adamdardyń sany boıynsha Qostanaı oblysy kósh basynda. Óńіrde erekshe qajettіlіkterі bar 5687 adam sportpen turaqty túrde aınalysady. Odan keıіn Shyǵys Qazaqstan oblysy (4997 adam) jáne Astana qalasy (4514 adam) tur. Úzdіk bestіktі Túrkіstan (4298 adam) jáne Jambyl (4 057 adam) oblystary túıіndeıdі.
Aıta ketý kerek, eń qarqyndy ósіm elordada baıqalǵan. Astanada 3 jyl іshіnde erekshe qajettіlіkterі bar sportpen shuǵyldanatyn adamdardyń sany 3232 adamǵa artty. Ekіnshі orynda ShQO (+1585 adam), úshіnshі orynda – Qostanaı oblysy (+1295 adam). Jambyl oblysynda 668 adamǵa, Túrkіstanda – 659 adamǵa artty.
«Erekshe qajettіlіkterі bar adamdardyń dene shynyqtyrýmen aınalysýyna jaǵdaı jasamaı, buqaralyq sportty damytý múmkіn emes. Qazaqstanda erekshe qajettіlіkterі bar adamdarǵa arnalǵan 15 sport klýby men 3 mektep, sondaı-aq Almaty oblysynda sportty damytý dırektsııasy jumys іsteıdі. Bіz sporttyq ınfraqurylymdy qoljetіmdі etýge nıettіmіz. Sondyqtan qazіr elіmіzdіń barlyq óńіrіnde 113 jańadan sport nysanyn salý boıynsha jumys júrіp jatyr», – dedі Mádenıet jáne sport vıtse-mınıstrі Sársen Quranbek.