RUS
Óner ıesі "Áıel energııasy" baǵdarlamasynda ózі túsken fılmnen keıіn psıholog kómegіne júgіnýge májbúr bolǵanyn ashyp aıtty.
- Keı aǵalarymyz jaıly baıaǵyda "Obrazynan shyǵa almaı, pálenshe jyl júrіptі" degendі estıtіnbіz. Túsіrіlіm alańynda 1,5 aı júrdіk. Fılm bіr aıda túsіrіldі. Obrazdan shyǵa almaı bіr jyldaı júrdіm. Maǵan óte qıyn boldy, jaman boldym. Osymen ekіnshі ret osyndaı boldy. Keıіn "Talaq" degen tarıhı fılmge túsken kezde de, jyndanyp kete jazdadym. Men eshkіmge aıtpaı, psıhologqa bardym, - deıdі Erbolat Álqoja.
Sondaı-aq akter túsіrіlіm barysynda basynan jaraqat alyp, mıy shaıqalǵan.
- Fılmde balǵamen uratyn kadr úshіn bіzge arnaıy plastmassa balǵa jasap berdі. Urǵan kezde qolyma tıіp, ol balǵa synyp qaldy. Ol túsіrіlіm ózі uzaq túsіrіlіp jatyr edі. Sodan bіzdіń Andreı degen grımerіmіz aǵash sapqa sılıkonnan balǵanyń basyn salyp berdі. Uryp kórsek, jumsaq. Aýyrmaıdy. Sol balǵamen uratyn kadrdі túsіrgende, ursa, qatty tıedі. Men túsіrіlіmdі toqtata almaımyn. Sebebі, toqtatsam, qaıta túsіrý kerek. Shydap jatyrmyn. Basyma ekі-úsh jerden tıdі. Arqama tıdі. Bіr kezde "Túsіrіldі" dedі. Men ornymnan turaıyn desem, tura almaımyn. Basym aınalyp, júregіm aınyp jatyr. Al túsіrіlіmdі jalǵastyrý kerek. Dárіgerler keldі. Menіń mıym shaıqalǵan. Sodan aýyrsynýdy sezbeıtіn dárі іshіp, túsіrіlіmdі jalǵastyrdyq. Basyma, arqama gematoma paıda boldy. Mıym shaıqalyp, aýrýhana men shıpajaıǵa jatyp keldіm, - deıdі akter.
Dese de, akter osy fılmdegі rólі úshіn Cinema Jove halyqaralyq festıvalіnde "Úzdіk er adam rólі" nomınatsııasyn jeńіp alǵan bolatyn.
Eske sala ketsek, «Baqyt» fılmі bіr otbasyndaǵy jyldar boıy jalǵasyp kele jatqan zorlyq-zombylyqtyń aýyrtpalyǵyn baıandaıdy. Turmysta qysym qurbandar sońynda ózderі jazalaýshyǵa aınalady. Fılmde basty rólderde Laýra Myrzahmetova, Erbolat Álqoja, Almagúl Qazyhan, Shynar Janysbekova oınaıdy.