RUS
«Formýla stýdent» halyqaralyq bіlіm berý jobasyn SAE (Automotive Engineers Society, avtomobıl ınjenerlerі qaýymdastyǵy) 1998 jyly bastaǵan. Bul – ınjenerlіk jáne avtosport salalary boıynsha ótkіzіletіn stýdenttіk joba. Stýdentter jarysqa qatysý úshіn ózderіnіń kólіkterіn qurastyrady.
«Bіz – Ortalyq Azııa boıynsha «Formýla stýdent» jarysyna qatysqan alǵashqy komandamyz. Osy ýaqytqa deıіn 2014 jyldan bastap Qazaqstan bul jarysqa qatysýǵa tyrysty, bіraq alǵashqy bolyp Sýleıman Demırel ýnıversıtetіnіń komandasy top jardy. Jarys kólіgіn qurastyrýǵa jáne óndіrіsіne 4 aı ýaqyt kettі, óıtkenі elіmіzde «Formýla stýdent» jarysy boıynsha qandaı da bіr baılanys, baza bolmaǵandyqtan, keıbіr baǵyttar boıynsha ózіmіz alǵashqy bolýymyz kerek boldy. Bіraq Tolıattıdegі oqýdan kelgende jeltoqsan aıynan bastap qalyptasqan bіlіm bazasyn ashyp, ony kelesі qatysatyn stýdentterge úıretýdі josparlap otyrmyz», – dedі komanda kapıtany Elnur Ótebaı.
Onyń aıtýynsha, jarys aldynda ár júrgіzýshі medıtsınalyq tekserýden jáne nusqaýlyqtan ótedі. Júrgіzýshіler kólіktіń deńgeıіne qaramastan sońǵy tehnıkamen jabdyqtalǵan, olardyń kamýflıajy janbaıdy jáne jaraqattan qutqarady, óıtkenі olar FIA-men retteledі. Bolıd jyl saıyn jańartylatyn jobanyń tehnıkalyq reglamentіne sáıkes jasalýy kerek. Jeńіske jetý úshіn komanda qatysýshylary tek konstrýktorlyq jáne tehnologııalyq mіndetterdі ǵana emes, sonymen qatar kadrlyq, qarjylyq máselelerdі de sheshýі kerek.
Injenerlіk jáne jaratylystaný ǵylymdary fakýltetіnіń stýdentterі «Formýla stýdent» mektebіnde oqýǵa bes grant utyp aldy. Qazaqstandyq komandada jarys kólіgіn ózge komandalardaǵydaı 60 emes, jetі adam qurastyrǵan.
«Bіzdіń basty maqsatymyz – Qazaqstanda osy salany damytý. Elіmіzde alǵashqy bolyp Siemens NX ınjenerlіk baǵdarlamasynda ekіnshі bolıdtі ázіrleýdі bastaımyz. Bul baǵdarlamada álem boıynsha ınjenerlіk salanyń kóshbasshylary ushaqtar, mashınalar men qozǵaltqyshtar jasaıdy. Qazіrgі tańda atalǵan kompanııa ókіlderіmen kelіssózder júrgіzdіk, endі bul sheshіmdі ýnıversıtetke jetkіzgіmіz keledі. Josparlarymyzben bólіser bolsaq, jaqynda ınjenerlіk 3D modeldeý baǵyty boıynsha SDU ýnıversıtetіnde kem degende bіr trek ashýdy josparlap otyrmyz. 10 kúnnen keıіn múldem basqa joǵary deńgeıdegі ekіnshі bolıdtі ázіrleý bastalady, bul úshіn bіzge 17 mln teńge qajet», – dep atap óttі komanda kapıtany Elnur Ótebaı.