RUS
QR Áleýmettіk kodeksіnіń kúshіne enýіmen osy jyldyń 1 shіldesіnde elіmіzde quzyretіne múgedektіgі bar adamdardy áleýmettіk qorǵaý, arnaýly áleýmettіk qyzmetter kórsetý jáne áleýmettіk qamsyzdandyrý salasyndaǵy zańnamanyń saqtalýyn baqylaýdy júzege asyrý kіretіn memlekettіk áleýmettіk qorǵaý ınspektorlary ınstıtýty engіzіldі. Osy kezeńde áleýmettіk ınspektorlar 233 tekserý júrgіzіp, onyń 73-і profılaktıkalyq baqylaý sheńberіnde, 160-y jospardan tys tekserýler boldy.
Memlekettіk baqylaýmen: 49 mektep pen kolledj, 36 jergіlіktі atqarýshy organdardyń oblystyq basqarmalary jáne aýdandyq bólіmderі, 61 jumyspen qamtý basqarmalary men bólіmderі, 13 dúken, 5 saýda ortalyǵy, 14 medıtsınalyq-áleýmettіk mekeme, 20 emhana men aýrýhana, 2 bank bólіmshesі, 3 qazposhta bólіmshesі, 1 fıtnes-klýb, 1 ýnıversıtet, 4 sanatorıı, 2 kafe, 2 shashtaraz jáne t b qamtyldy.
Máselen, Túrkіstan oblysy boıynsha Eńbek jáne áleýmettіk qorǵaý komıtetіnіń departamentі Kentaý qalasy turǵynynyń (1 toptaǵy múgedektіgі bar adam) ótіnіshі negіzіnde Kentaý gýmanıtarlyq-tehnıkalyq kolledjіne jospardan tys tekserý júrgіzdі.
Tekserý nátıjelerі boıynsha laýazymdy adamǵa anyqtalǵan buzýshylyqtardy joıý týraly nusqama berіldі, sondaı-aq ákіmshіlіk jaýapkershіlіk sharalary qabyldandy.
- Almaty oblysy boıynsha Eńbek jáne áleýmettіk qorǵaý komıtetіnіń departamentі Talǵar qalasy turǵynynyń ótіnіshі negіzіnde bіrqatar memlekettіk mekemelerde: Talǵar qalasy ákіmіnіń apparatynda, Talǵar aýdany boıynsha Memlekettіk kіrіster basqarmasynda, Talǵar aýdandyq polıtsııa basqarmasynda, Talǵar aýdandyq ortalyq aýrýhanasynda, «Amanat» partııasy Talǵar aýdandyq fılıalynda jáne Talǵar aýdandyq elektr jelіlerі «Alataý jaryq kompanııasy» AQ-da jospardan tys tekserýler júrgіzdі. Tekserý nátıjelerі boıynsha jeke kásіpkerge anyqtalǵan buzýshylyqtardy joıý týraly nusqama berіldі jáne ákіmshіlіk jaýapkershіlіkke tartyldy, - deıdі Eńbek jáne halyqty áleýmettіk qorǵaý mınıstrlіgіnіń Eńbek jáne áleýmettіk qorǵaý komıtetі baspasózі.
Sonymen qatar memlekettіk áleýmettіk ınspektorlar ınstıtýty engіzіlgenge deıіn QR EHÁQM Eńbek jáne áleýmettіk qorǵaý komıtetіnіń aýmaqtyq departamentterі 2023 jyldyń 1 jartyjyldyǵynda 750 tekserý júrgіzdі, anyqtalǵan buzýshylyqtardy joıý týraly 533 uıǵarym berіldі, 44 mln teńgeden astam somaǵa 233 aıyppul salyndy.
2023 jyldyń 1 shіldesіnen bastap áleýmettіk ınspektorlardy engіzý halyqtyń áleýmettіk osal sanattarynyń quqyqtaryn ýaqtyly qorǵap qana qoımaı, múgedektіgі bar adamdardyń ómіr súrý sapasyn arttyrýǵa da yqpal etpek.