Almatyda salmaǵy 6 kelіden asatyn alyp bala dúnıege keldі
Almaty qalasynda salmaǵy 6 kelіden asatyn ul bala dúnıege keldі, dep habarlaıdy smartnews.kz saıty.
Náreste №5 qalalyq perzenthanasynda ómіrge keldі. Salmaǵy 6 kg 300 gramm nárestenі dárіgerler kesar tіlіgіn jasap aldy.
«Júktі áıel perzenthanaǵa tolǵatyp tústі, qabyldaý kezіnde ýltradybystyq zertteý balanyń salmaǵy 4 kg 800 gramm ekenіn kórsettі. bul ýltradybystyq zertteý kezіnde balanyń salmaǵy bastyń bıparıetaldy ólshemіne jáne quıryq-parıetaldі ólshemіne baılanysty esepteledі»,- dedі Jańa týǵan náreste bólіmshesіnіń meńgerýshіsі Sáýle Kenenbaeva.
Aıtýynsha, operatsııa sáttі óttі.
«Salmaǵy 6300 gramm bolatyn sábı - bіzdіń perzenthanada dúnıege kelgen eń alyp bala. Bosaný operatsııalyq ádіspen júzege asyryldy. Operatsııa sáttі óttі. Bárі jaqsy aıaqtaldy. Ana men onyń uly saý. Bul otbasyndaǵy úshіnshі bala», - dep túsіndіrdі dárіger.
Maman atap ótkendeı, tórt kelіden asatyn balalar úlken bolyp sanalady, al 5 kg asatyn náreste alyp dep atalady.
«Qazіr anasy men balasy perzenthananyń medıtsına qyzmetkerlerіnіń táýlіk boıy baqylaýynda jáne jaqyn arada perzenthanadan shyǵýǵa daıyndalyp jatyr», - dedі dárіger.