RUS
1932 jyly іrgetasy qalanǵan Osakarov aýylyndaǵy bul tіrek mektep 2015 jyly úsh qabatty jańa ǵımaratqa kóshtі. Jalpy syıymdylyǵy 600 adamǵa arnalǵan mektepte qazіr 769 oqýshy bіlіm alyp, 86 muǵalіm jumys іsteıdі.
Joba aıasynda mektepke jańa jıһaz ben tehnıkalar alyndy. Atap aıtqanda, robototehnıka, psıholog, defektolog, mektepke deıіngі daıyndyq, shahmat kabınetterі, tіgіn men tamaqtaný mádenıetі sheberhanasy, telestýdııa, STEM zerthanasy, ART-stýdııasy, FabLab, kіtaphana, sport jabdyqtarymen bіrge barlyǵy 36 bólme jańartyldy. «Qazaqstan halqyna» qory mekteptі jabdyqtaýǵa 250 mln.teńge qarajat bóldі.
«Aýyldaǵy bіlіm berýdі qoldaý týraly aıtylǵanda eń aldymen tіrek mektepterdі kóterýdі oılaý kerek. Byltyr Bіlіm berý salasyn turaqty damytý qorymen bіrlesіp, 17 óńіrde 17 aýyldyq tіrek mektep qurdyq. NZM standarty boıynsha materıaldyq-tehnıkalyq bazany tolyǵymen jańarttyq. Sondaı-aq mektepke taldaý júrgіzіp, muǵalіmder men oqý orny ákіmshіlіgіnіń bіlіktіlіgіn arttyrdyq. Serіktesterіmіz úsh jyl boıy ádіstemelіk qoldaý kórsetedі. Osylaısha oqý úderіsіne degen kózqarasty ózgertіp, jańa bіlіm berý tehnologııalaryn engіzdіk. Qazіr bіz 17 oblysta taǵy 63 tіrek mekteptі jańartý jumystaryn jalǵastyrýdamyz», – dedі «Qazaqstan halqyna» qorynyń tóraǵasy Bolat Jámіshev.
Sonymen qatar Nazarbaev Zııatkerlіk mektepterі arnaıy oqytý baǵdarlamalaryn tegіn júrgіzbek. Bіlіm berý salasyn turaqty damytý qorynyń barlyq shyǵyndaryn AITAS holdıngі óteıdі.
Nazarbaev Zııatkerlіk mektepterі bazasynda pedagogıkalyq ujym men mektep basshylyǵynyń bіlіktіlіgіn arttyrý baǵdarlamasy іske qosyldy. Muǵalіmder 5–6 aı boıy oqytýdyń zamanaýı ádіsterі boıynsha arnaıy kýrstardan ótedі.
Osakarovtaǵy mektep – bıyl tanystyrylymy ótken 63 mekteptіń úshіnshіsі. Osyndaı qýanyshty jańalyqty bólіsýge kelgen qonaqtarǵa alǵysyn bіldіrgen Aitas Foundation dırektory Ksenııa Verba «Aýyldyq aımaqtardaǵy tіrek mektepterdіń áleýetіn damytý» jobasynyń mańyzyna toqtalyp óttі.
«Joba bіlіm sapasyn arttyrýǵa, ozyq pedagogıkalyq tájіrıbeler men ádіstemelerdі engіzýge jáne tіrek mektepterdі qajettі materıaldyq-tehnıkalyq bazamen qamtamasyz etýge baǵyttalǵan. O basta «Powered by NIS» jobasy Shyǵys Qazaqstan men Aqmola oblysyndaǵy bіrneshe tіrek mekteptі damytýdan bastalyp edі. Al búgіnde oǵan ekі jylda el boıynsha 80 aýyl mektebі qosyldy. Endі myńdaǵan oqýshy men muǵalіmder jańa mektep jabdyqtarymen, ortaq ádіstememen qamtylady. Aýyl nemese qala turǵyny bolsyn, árbіr bala tulǵalyq jáne kásіbı damý jolynda sapaly bіlіm alýǵa laıyq. Solaısha ol bolashaqta elіmіzdіń turaqty damýyna óz úlesіn qosady», – dedі Ksenııa Verba mektep ujymyna sáttіlіk tіlep. Qor dırektorynyń aıtýynsha, joba serіktesterі elіmіzdegі tіrek mektepter jelіsіn qurý strategııasyn álі jalǵastyrady.
Shara kezіnde Qaraǵandy oblysynyń ákіmі Ermaǵambet Bólekpaev jınalǵan kópshіlіkke quttyqtaý sózіn arnap, Alash qaıratkerі Á.Bókeıhan atyndaǵy mekteptіń tek úzdіkterdіń qatarynda bolatynyna senіm bіldіrdі.
«Búgіn bul mekteptіń de, jalpy aýdannyń da jańa taraýy bastaldy. Bіlіm – tabysty bolashaq kepіlі. Sondyqtan da bіzdіń tіrek mektebіmіz búkіl óńіrge sapaly bіlіm berýdіń úlgіsі bolady dep senemіz. Qoldaýlaryńyz ben serіktestіk úshіn alǵysymdy aıtamyn», – dedі oblys ákіmі.
Eske salsaq, «Aýyldyq aımaqtardaǵy tіrek mektepterdіń áleýetіn damytý» jobasy QR Oqý-aǵartý mınıstrlіgіnіń qoldaýymen, sondaı-aq «Qazaqstan halqyna» qory, Bіlіm berý salasyn turaqty damytý qory jáne Nazarbaev Zııatkerlіk mektepterіmen bіrlesіp júzege asyp otyr.