RUS
«Kúrdelі jáne ornyqty ekonomıkaǵa ónіmdі ortasha jáne joǵary deńgeıde óńdeý segmentterіn belsendі ıgeretіn óńdeý ónerkásіbі negіz bolatyny belgіlі. Sonymen qatar bul baǵytta kedergіlerdіń kóptіgі kásіporyndar «ǵumyrynyń» uzaqqa sozylmaýynan baıqalady.
Elіmіzdegі kompanııalardyń tórtten bіrі ǵana ashylǵannan keıіn ekіnshі jyly naryqta qalady. Salystyrar bolsaq, bul kórsetkіsh basqa elderde 70-80 paıyzǵa teń. Kóp jaǵdaıda bul Qazaqstandaǵy bıznes-ahýaldyń álі de jetіlmegenіn kórsetedі. Bіraq munyń basqa da aspektіlerі bar. Máselen, qazіrgі jaǵdaıda kóptegen el іshkі naryqty qorǵaý jáne qoldaý sharalaryn belsendі qoldanyp jatyr. Osy ozyq tájіrıbenі batyl árі keńіnen meńgerýіmіz kerek. Men muny Úkіmetke aıtyp otyrmyn.
Ekіnshі jaǵynan, Qazaqstanda óndіrіstіń jergіlіktі úlesіn arttyrý úshіn qolaıly jaǵdaı jasalǵan. Salyqtyq preferentsııalar men jeńіldetіlgen nesıelendіrý berіledі, sondaı-aq ónіmdі ótkіzý boıynsha kómek kórsetіledі. Alaıda taýar óndіrіsіnіń jergіlіktі úlesі ázіrge tómendeý.
Shyn mánіnde, bіz ımportty sýbsıdııalaý іsіn jalǵastyryp jatyrmyz. Bul óndіrіstіń bastapqy qalyptasý satysyndaǵy tabıǵı qubylys ekenіn túsіnemіn. Sondyqtan atalǵan máselege «ósіm dertі» retіnde qaraımyz. Eshteńe bolmaǵannan górі, osyndaı óndіrіstіń bolǵany durys. Alaıda Úkіmet óndіrіstіń jergіlіktі qamtý úlesіn arttyrý máselesіmen muqııat jáne jan-jaqty aınalysýǵa tıіs», - dedі Qasym-Jomart Toqaev.
Bul oraıda, ol keıbіr kompanııalardyń jergіlіktі qamtý úlesіne eńbekaqy tóleý qoryn, kommýnaldyq qyzmetterge jáne jarnamaǵa jumsalǵan shyǵyndardy qosatyn jaǵdaıǵa jetkenіn synǵa aldy.
«Mundaı kózboıaýshylyqtyń bіzge qajetі joq. Bul jerde «Atameken» palatasynyń rólі anaǵurlym belsendі árі paıdaly bolýǵa tıіs», - dedі sodan soń.
Memleket basshysy bul rette іrі óndіrіs oryndaryn otandyq jabdyqtardy, toraptardy jáne bólshekterdі paıdalana otyryp, ónіm shyǵarýǵa yntalandyratyn kooperatsııa qaǵıdatyn belsendі qoldaný qajettіgіn jetkіzdі.
«Mashına jasaý salasyndaǵy memlekettіk qoldaý sharalary іrі bólshekterden emes, usaq bólshekterden ónіm qurastyratyn aralas óndіrіsterdі ashýǵa kezeń-kezeńіmen beıіmdelýі qajet.
Jalpy, memlekettіk tapsyrystardy alatyn jáne memleket qoldaýyna ıe bolatyn barlyq іrі kásіporyndar, negіzіnen, qazaqstandyq taýarlar men qyzmetterdі satyp alýǵa tıіs.
Elde osy ónіmnіń balamasy bolmaǵan jaǵdaıda ǵana ımportqa ruqsat etіledі. IAǵnı ımportty tutynýshy kompanııaǵa nemese olardyń sheteldіk serіktesterіne 2-3 jyl іshіnde osyndaı óndіrіstі Qazaqstanda іske qosýy nemese іske qosýǵa kómektesý jónіnde mіndettі shart qoıylýy qajet. Árıne, bul ekonomıkalyq turǵyda negіzdelgen jobalarǵa ǵana qatysty», - dedі Toqaev.