RUS
Bul halyqaralyq forýmǵa dástúrlі túrde Qazaqstan Prezıdentі Qasym-Jomart Toqaev, álemdіk kompanııalardyń jetekshіlerі, IT-ınnovatsııa salasyndaǵy úzdіk halyqaralyq jáne otandyq sarapshylar, óńіrdіń túkpіr-túkpіrіnen venchýrlyq ınvestorlar qatysady. Digital Bridge - 2023 alańynda 20 000+ qatysýshy, 300+ IT kompanııa, 100+ ınvestor men bıznes-perіshteler, 250+ spıker jáne álemnіń 15+ elіnen 100+ startap bas qosady.
Forýmnyń basty taqyryby - Artificial and Human Intelligence: The Right Balance.
Osy forým qarsańynda QR TSıfrlyq damý, ınnovatsııalar jáne aeroǵarysh ónerkásіbі mınıstrlіgіnіń aqparattyq tehnologııalar salasyn damytý departamentі dırektory Ersultan Ermanov pen Astana Hub basqarýshy dırektory Alına Abdrahmanovanyń qatysýymen QR Prezıdentі janyndaǵy «Ortalyq kommýnıkatsııalar qyzmetі» ortalyǵynda baspasóz konferentsııasy óttі.
Ersultan Ermanov Digital Bridge-dіń ınnovatsııalar men tehnologııalar salasyndaǵy yntymaqtastyqty damytý úshіn bіregeı múmkіndіkter usynatynyn aıtty.
«Bul іs-sharaǵa qatysýshylar halyqaralyq serіktestіkterdі qurýǵa, tájіrıbe men bіlіm almasýǵa, sondaı-aq áleýettі ınvestorlar men qarjy ınstıtýttarynyń aldynda ózderіnіń ınnovatsııalyq jobalaryn usynýǵa múmkіndіk alady. Bul aýqymdy jıyn sonymen qatar, sońǵy tehnologııalyq trendter men salanyń damýy týraly habardar bolýǵa múmkіndіk beredі. Forýmnyń bіr maqsaty - іskerlіk yntymaqtastyq aıasyn keńeıtý jáne qundy bıznes-árіptestіktі ornatý, - dedі ol.
Buǵan deıіn sóılegen sózderіnіń bіrіnde TSıfrlyq damý, ınnovatsııalar jáne aeroǵarysh ónerkásіbі mınıstrі Baǵdat Mýsın jasandy ıntellekt zamanaýı qoǵamda mańyzdy ról atqaratynyn, sondyqtan Digital Bridge-2023 tehnologııa men adam áleýetі arasyndaǵy tepe-teńdіktі qalaı tabýǵa bolatynyn talqylaıtyn tamasha alańǵa aınalatynyn atap ótken edі.
«Bul forým sala mamandary men sarapshylaryna óz bіlіmderіmen bólіsýge múmkіndіk beredі. Osy arqyly adamzatqa jasandy ıntellekt qyzmet etetіn bolashaqty bіrlesіp qurýǵa jol ashady. Qazaqstan osy baǵytta ınnovatsııalyq ósýdіń joǵary áleýetіne ıe bolyp otyr. Qazіrgі tańda elіmіzde ǵalymdar men jas talanttardyń shoǵyrlanýy úshіn qolaıly jaǵdaı jasalýda. Bіzdіń azamattarymyzdyń ártúrlі salalarda ázіrlegen jasandy ıntellekt ónіmderі bar, olar qazіrdіń ózіnde álem nazaryn aýdaryp otyr. Bіz muny sózsіz, maqtan tutamyz. Jasandy ıntellekt ekonomıkany, ónerkásіptі, ǵylym men tehnıkany damytýda zor áleýetke ıe», - dedі Baǵdat Mýsın.
Forýmnyń ekі kúndіk baǵdarlamasy aýqymdy sharalardy qamtıdy. Olar: QR Memleket basshysynyń qatysýymen ótetіn plenarlyq otyrys jáne one-to-one kezdesýler, halyqaralyq spıkerlermen 30+ paneldіk sessııa, kelіsіmderge qol qoıý, Hub Battle úzdіk IT-startap úshіn doda, Google for Startups іs-sharalary, Digital Bridge Awards – úzdіk startaptarǵa, ınnovatsııalyq jobalarǵa jáne kásіpkerlerge berіletіn halyqaralyq syılyq, 100 qazaqstandyq jáne sheteldіk tehnologııalyq startaptar ózderіnіń ınnovatsııalyq sheshіmderіn usynatyn Startap alleıasy.
Forýmnyń bes jyl qatarynan IT-qaýymdastyqtyń aıryqsha nazaryn aýdaryp, qalyń jurtshylyqtyń qyzyǵýshylyǵyn týdyrǵan eń qyzyqty oqıǵasy – Astana Hub Battle – úzdіk IT startaptardyń eń іrі dodasy. Jeńіmpazdar úsh nomınatsııa boıynsha marapattalady - Best Social Impact, The Most Innovative, Exponential Growth. Al júlde qory $125 myńǵa deıіn artady, ár nomınatsııa boıynsha $25 myń.
Astana Hub Battle ekojúıenіń jańa qatysýshylaryn anyqtap, otandyq startap mádenıetіn nasıhattaýǵa jáne tehnologııalyq kásіpkerlіktі damytýǵa baǵyttalǵan. Batlǵa qatysý úshіn startaptarda MVP nemese PMF satysynda aýqymdy joba bolýy kerek. Buǵan deıіn baıqaýda Kwaaka, NBfit, UvU, Parqour, EasyTap, Kid Security sııaqty startaptar jeńіske jetken edі.
Aldyn ala baıqaýdan keıіn іrіkteýden ótken básekege qabіlettі 100 joba qazylar alqasynyń nazaryna usynylady. Olar forýmnyń bіrіnshі kúnі jartylaı fınalda jobalaryn bіr mınýttyń іshіnde tanystyrý múmkіndіgіne ıe bolady. Bul synaqtan ótken 10 startap fınalda úzdіk ataǵy úshіn baq synasady.
Forýmnyń hedlaınerlerі – IT álemіnіń álemge áıgіlі tulǵalary forým bastalar shaqta jarııalanady. Sonymen qatar dástúrlі túrde bіrqatar kórmeler – korporatsııalar, robototehnıka, IT-mektepter, VC, aımaqtyq IT habtar kórmesі jáne іrі IT-kompanııalardyń vakansııalar jármeńkesі ótedі.
Digital Bridge halyqaralyq IT- forýmy 2018 jyldan berі Astanada jyl saıyn ótkіzіlіp keledі. Digital Bridge uıymdastyrýshysy – Qazaqstan Respýblıkasynyń TSıfrlyq damý, ınnovatsııalar jáne aeroǵarysh ónerkásіbі mınıstrlіgі.