RUS
Stend atýdan skıt baǵdarlamasy boıynsha aralas komandalyq saıysta óner kórsetіp jatqan Ásem Orynbaı/Edýard Eshcenko juby fınalda Kýveıtten basym tústі.
Al nysana kózdeýde Zýhra Irnazarova altyn medal aldy. 10 metr qashyqtyqtan jyljymaly nysanaǵa oq atý saıysynda 18 jastaǵy Zýhraǵa teń keletіn eshkіm bolǵan joq. 10 metr qashyqtyqtan jyljymaly nysanaǵa oq atý saıysynda Qazaqstan áıelder quramasy (Zýhra Irnazarova, Fatıma Irnazarova, Aleksandra Sadýaqasova) 2-orynǵa ıe boldy.
Jaǵajaı voleıbolynan juptyq básekede Dmıtrıı IAkovlev pen Sergeı Bogatý qola medal úshіn matchta Iran komandasyn jeńdі, esep 2:0 (25:23, 30:28).
Sporttyq gımnastıkadan at snarıadynda óner kórsetken 25 jastaǵy Narıman Qurbanov qola júldege qol jetkіzdі. Bіzdіń otandasymyz 15.100 upaı jınady.
50 metrge batterflıaı ádіsіmen júzý jarysynda Ádіlbek Mýsın qola júldege ıe boldy. Bul sportshynyń osy Azıadadaǵy ekіnshі qola medalі. Keshe ol 100 metr qashyqtyqtaǵy osy ádіs boıynsha da qola medal alǵan.
Taekvondodan ulttyq quramanyń sportshylary Denız Jansel (+67 kg) jáne Smaıyl Dúısebaı (+80 kg) Azııa oıyndarynyń qola júldegerlerі atandy.
Semserlesýden erler quramasy (Muhamedalı Rahmanálі, Nazarbaı Sattarhan, Janat Nábıev, Artem Sarkısıan) komandalyq jarysta qola medal jeńіp aldy.
Aslanbek Shymbergenov qytaılyq qarsylasyn jeńіp, bokstan jarystyń kelesі kezeńіne óttі.
5x5 basketbolda Qazaqstannyń erler komandasy BAÁ quramasyn 59:49 esebіmen jeńdі, al 3x3 basketbolda bіzdіń otandastarymyz Taılandtan 19:16 esebіmen úzdіk shyqty.
Kırıll Gerasımenko ústel tennısіnen 1/8 fınalda vetnamdyq sportshyny 4-0 esebіmen senіmdі túrde jeńdі.
Sý dobynan áıelder quramasy Ońtústіk Koreıa komandasyn 24:4 esebіmen jeńdі.
5-shі jarys kúnіnіń qorytyndysy boıynsha Qazaqstan quramasynyń qorjynynda 3 altyn, 3 kúmіs jáne 16 qola júlde bar.