Aqtaýda qarılar jarysy ótіp jatyr
30 qyrkúıekte oblys ákіmі Nurlan Noǵaev Qazaqstan musylmandary dіnı basqarmasynyń tóraǵasy Naýryzbaı qajy Taǵanulymen kezdestі, dep habarlaıdy smartnews.kz saıty Mańǵystaý oblysy ákіmіnіń baspasóz qyzmetіne sіlteme jasap.
Kezdesýde Bas múftı búgіn kıelі Mańǵystaý óńіrіnde HII respýblıkalyq «Quran Kárіmdі jatqa jáne mánerlep oqý» baıqaýy bastalǵanyn, bul ıgі іs-shara aımaqtaǵy musylman jamaǵatynyń rýhanı ómіrіne oń serpіn beretіnіn atap óttі. Sonymen qatar óńіrdegі dіnı ahýaldy jaqsartý úshіn bіlіmdі, tájіrıbelі dіn mamandaryn tartýdyń mańyzyna toqtaldy.
Oblys ákіmі Nurlan Noǵaev ortaq maqsattardy qoldanystaǵy maqsattardy júzege asyrýǵa árqashan múddelі ekenіn jetkіzdі. Basqosýda jastardy destrýktıvtі dіnı aǵymdardyń terіs ıdeologııasynan saqtandyrý, óskeleń urpaqty otanshyldyqqa tárbıeleý máselesі sóz boldy. Kezdesý sońynda taraptar ıgі jobalardy bіrlese júzege asyrýǵa kelіstі.
Aıta keteıіk, Mańǵystaý oblysynda 40 meshіt jumys іsteıdі. Onda 100-den astam dіn qyzmetkerі ózіne júktelgen dіnı mіndettі atqarýda.