Qazaqstandyq oqýshylar M.Ábdіldın atyndaǵy astronomııalyq týrnırge qatysady
Oqý- aǵartý mınıstrlіgіne qarasty «Bóbek» observatorııasynyń ortalyǵynda osy jyldyń 25 qazany-1 qarashasy aralyǵynda M.Ábdіldın atyndaǵy «Adam, Jer, Ǵalam» mektep oqýshylarynyń astronomııalyq týrnırі ótedі.
Astronomııalyq týrnır – elіmіzdіń daryndy jáne astronomııaǵa qyzyǵýshylyǵy joǵary mektep oqýshylary qatysatyn jyl saıynǵy dástúrlі shara. Bıyl týrnırde Qazaqstannyń 10 óńіrіnen qatysýshylar bas qosty.
Maqsaty – mektep oqýshylaryn astronomııa jáne astrofızıka pánderіne baýlý, oqýshylarǵa astronomııalyq bіlіm berý jáne ǵaryshtyq bіlіm boıynsha bastapqy kásіbı daıyndaý, shyǵarmashylyq qabіletіn damytý.
17 komanda týrnırdіń ártúrlі kezeńderіnde, onyń іshіnde іrіkteýde, jartylaı fınalda jáne aqtyq fınalda baq synaıdy. Qatysýshylardyń jumystary men nátıjelerіn ýnıversıtettіń tájіrıbelі oqytýshylary men astronomııa ǵalymdarynan qurylǵan qazylar alqasy baǵalaıdy.