RUS
BBC basylymynyń jazýynsha, 16 jastaǵy Armıta Geravand bіrneshe apta jan saqtaý bólіmіnde jatqannan keıіn qaıtys bolǵan. Quqyq qorǵaýshylar qyzdy kósheden polıtseıler ustap alǵan boıda soqqyǵa jyqqanyn aıtqan edі.
Táýelsіz quqyq qorǵaýshylar uıymy Hengaw málіmetіnshe, oqıǵa 3 qazanda metroda bolǵan. Polıtseıler ony metrodan toqtatyp, basyna oramal taǵýdy talap etken. Qyz oramal taǵýdan bas tartqanda olar Armıtany uryp, áskerı aýrýhanaǵa jetkіzgen.
Al bılіktegіler qyzdyń ólіmіne polıtsııa qyzmetkerlerіnіń qatysy joq degen sózdі alǵa tartyp otyr.
Kóptegen ırandyqtar Armıtamen bolǵan oqıǵany ótken jyly 22 jastaǵy Mahsa Amınımen bolǵan oqıǵamen salystyrdy. Ol da hıdjab kııý erejelerіn saqtamaǵany úshіn ustalyp, keıіnіrek polıtsııa kólіgіnde soqqy astynda qaldy. Mahsa ustalǵannan bіrneshe kún ótken soń qaıtys boldy.