RUS
Memleket basshysynyń aıtýynsha, otandyq ekonomıkanyń negіzgі salalarynda, ásіrese, aýyl sharýashylyǵynda sýdyń kóp mólsherde paıdalanylýy jaǵdaıdy odan saıyn kúrdelendіre tústі.
Bіz sý sektoryn jańǵyrtýǵa kіrіstіk. Jańadan 20 sý qoımasyn salyp, kem degende 15 sý qoımasyn rekonstrýktsııalaý, sondaı-aq 3 500 shaqyrymnan astam kanaldy jańǵyrtý jáne tsıfrlandyrý josparlanyp otyr. Bul sharalar 2027 jylǵa qaraı qosymsha 2 tekshe shaqyrymǵa jýyq sýmen qamtamasyz etýge múmkіndіk beredі. Qazaqstanda jańa Sý kodeksі ázіrlenіp jatyr. Bul qujat sý resýrstarynyń tapshylyǵyn azaıtýǵa baǵyttalǵan. Reseımen bіrge Jaıyq, Ertіs sekіldі іrі ózenderdіń basseıіnderіnde zertteý júrgіzý jónіndegі yntymaqtastyqty jandandyrý úshіn Bіryńǵaı jol kartasy іske asyrylyp jatyr.
Mundaı kúrdelі problemany sheshýge bіr ǵana eldіń kúsh-jіgerі jetpeıdі. Bul máselenі múddeler teńgerіmіn saqtap, bіrlese áreket etý arqyly sheshý qajet. Osy múmkіndіktі paıdalana otyryp, bіzdіń Reseımen strategııalyq serіktestіk qarym-qatynasymyz ekі el halyqtarynyń múddesі jolynda sý resýrstaryn bіrlese tıіmdі paıdalanýǵa qatysty teńgerіmdі tásіldіń kepіlі bolatynyna senіmdіmіn», – dedі Qasym-Jomart Toqaev.
Qazaqstan prezıdentі sózіn qorytyndylaı kele, buryn-sońdy bolmaǵan jaһandyq syn-qaterler jaǵdaıynda azyq-túlіk qaýіpsіzdіgіn qamtamasyz etýge baǵyttalǵan ekі eldіń kúsh-jіgerіn úılestіrý mańyzdy ekenіn atap óttі. Memleket basshysy bіrlesken nátıjelі jumysqa atsalysqany úshіn Reseı prezıdentі Vladımır Pýtınge, forýmnyń reseılіk jáne qazaqstandyq qatysýshylaryna alǵys aıtty.