RUS
Vedomstvoaralyq komıssııa otyrysynda atalǵan máselenі depýtat Ashat Aımaǵambetov aıta kettі.
«Áıelder quqyǵy týraly aıtsaq, jumys jaǵdaıyndaǵy harassment úshіn jaýapkershіlіk engіzýdі usynyp otyrmyz. Sondaı-aq, áıeldіń densaýlyǵyna bіrneshe ret zııan keltіrіp, bіrneshe ret qol kóterý áreketterіn іshіnara krımınaldandyrý usynylýda. Mundaı norma da bar. Onyń ústіne bіz teńgerіm saqtaýǵa tyrystyq. Krımınalsyzdandyrý tóńіregіndegі pіkіrtalas álі júrіp jatyr. Ustanymdar óte kóp. Keıbіr professorlar bіr ustanymda bolsa, Ishkі іster mınıstrlіgіnіń óz ustanymy bar. Bіraq ol máselenіń sheshіmіn tappaı kele jatqany anyq. Bіz júıelі túrde nemese bіrneshe ret áıel quqyǵyn buzǵandardyń áreketіn krımınaldandyrýdy usynyp otyrmyz», - dedі Ashat Aımaǵambetov.
Zańnamaǵa usynylyp otyrǵan ózgerіsterdіń qatarynda úıbuzarlardy otbasynan arnaıy ortalyqqa oqshaýlaý sharasy da bar.
«Ádette turmystyq kıkіljіńnen keıіn áıeldі balasymen oqshaýlaıdy. Al kúsh kórsetýshі úıde qalady. Alańsyz ómіr súre beredі. Áıel pana іzdeýge májbúr. Sondyqtan depýtattar kúsh kórsetýshіnі úıden oqshaýlaýdy usynyp otyr. Sonymen bіrge oǵan tıіstі jaǵdaı jasalýy kerek», - dedі depýtat.