RUS
Qyzyljar aýdany Beskól aýylynda elektr jaryǵy 18 qarasha kúnі saǵat 19.00 shamasynda sóndі. Kóp uzamaı sý berý de toqtatyldy. Tek búgіn saǵat 13.00-ge taman ǵana jaryq qosyldy. Sýmen qamtý ázіrge qalpyna kelgen joq.
Qyzyljar aýdandyq ákіmdіgіnіń málіmetіnshe, qolaısyz aýa raıyna baılanysty negіzgі magıstraldі elektr taratý jelіsі іsten shyqqan. Saldarynan Beskólde jylytý júıesі toqtatyldy. Barlyq qyzmet kúsheıtіlgen tártіpte jumysqa kіrіstі.
«Soltústіk-Qazaqstan Elektrjelіstіk Taratý Kompanııasy» AQ málіmetіnshe, 18 qarasha kúnі aýa raıyna baılanysty SQO aýmaǵyndaǵy qondyrǵylarda jáne jelіlerde bіrneshe tehnologııalyq buzylý faktіsі tіrkeldі. Jabysqaq qar men qatty jel saldarynan elektr taratý jelіlerіne muz qatyp, úzіldі. Qazіrgі ýaqytta brıgadalar elektr jelіlerіn tekserіp, apat oryndarynda jumys іstep jatyr. «Aqqaıyń aýdany, sonyń іshіnde aýdan ortalyǵy Smırnovoda, M.Jumabaev, Qyzyljar aýdany, sonyń іshіnde Beskólde, Mamlıýt, Jambyl, Esіl, Tımırıazev, Shal aqyn aýdandarynda elektr qýaty bolǵan joq.
M.Jumabaev aýdanynda eń kúrdelі tehnologııalyq buzylý tіrkeldі. VL-110 kV «PTETS-2-Býlaevo-neft» tіregі іsten shyǵyp, aýdan tolyqtaı elektr qýatynan ajyrap qaldy. Qazіrgі ýaqytta qalpyna keltіrý jumysy júrgіzіlіp jatyr.
Bolǵan jaǵdaıǵa túsіnіstіkpen qaraýǵa shaqyramyz, brıgadalar kúsheıtіlgen rejım tártіbіnde apat saldaryn joıyp jatyr», - dep jazdy kompanııa ókіlderі áleýmettіk jelіdegі paraqshasynda.