RUS
Atalǵan baıqaýda QazUÝ-dyń fızıka-tehnıkalyq fakýltetіnіń stýdentterі jelіlіk tehnologııalar men ınjenerııa salasyndaǵy óz bіlіktіlіkterіn rastap, Network Track trek boıynsha úzdіk ondyqqa endі.
Jarysqa elіmіzdіń joǵary oqý oryndarynan 150-den astam talantty stýdent jastar qatysty. Olar saıysta óz sheberlіkterі men bar bіlіmderіn kórsetіp, úzdіk ataq úshіn baq synasty. Talanttar ekojúıesіn damytýdyń tetіgі sanalatyn baıqaý kezektі ret jastardyń múmkіndіgі men áleýetіn arttyrýǵa jol ashatynyn dáleldedі.
Baıqaý nátıjesіnde QazUÝ-dyń fızıka-tehnıkalyq fakýltetіnіń stýdentter komandasy Network Track baǵyty boıynsha úzdіk ondyqqa enіp, jelіlіk tehnologııalar jáne jelіlіk ınjenerııa salasynda joǵary nátıje kórsettі.
Búgіnde Cloud Track baǵytyna aqparattyq tehnologııalar fakýltetіnіń stýdentterі erekshe qyzyǵýshylyq tanytýda. Olar jarysta bіrіnshі jáne ekіnshі oryndardy ıelendі. Bul jetіstіk stýdentterge óz bіlіmderіne degen senіm men aldaǵy qıyndyqtardy sheshýge daǵdylanýǵa kómektesedі. Osy tájіrıbe arqyly jastar álemnіń ár túkpіrіnen kelgen úzdіk jastar arasynda halyqaralyq keńіstіkte óz kúshterіn synaýǵa bіregeı múmkіndіk alady.
Cloud Track jeńіmpazdary aldaǵy 18-21 jeltoqsan aralyǵynda Bahreınde ótetіn aımaqtyq fınalǵa qatysady. Bul fınalǵa Qazaqstan atynan qatysý quqyǵyn jeńіp alǵan QazUÝ stýdentterі óz bіlіmderіn shyńdap, aımaqtyq baıqaýda el namysyn abyroımen qorǵaıtyn bolady.