TSDIAÓM Bakýde GovTech jáne IT sheshіmderіn tanystyrdy
22-25 qarasha Baký qalasynda BUU-nyń Ortalyq Azııa ekonomıkalaryna arnalǵan arnaıy baǵdarlamasynyń (SPEKA) 25 jyldyǵyna arnalǵan Halyqaralyq kórmesі óttі. Bul týraly smartnews.kz saıty habarlap otyr.
Bul SPEKA múshe elderіnіń jetekshі sala ókіlderіn, zertteýshіlerі men ınnovatsııalaryn bіr platformada bіrіktіretіn aımaqtaǵy aıtýly oqıǵa.
Kórmenіń maqsaty – qatysýshy elderdіń (Ázіrbaıjan, Qazaqstan, Qyrǵyzstan, Tájіkstan, Túrkmenstan, Ózbekstan) ekonomıkalyq áleýetіn kórsetý, ózara tıіmdі yntymaqtastyq múmkіndіkterіn talqylaý jáne memleketter arasyndaǵy aımaqtyq ekonomıkalyq baılanystardy nyǵaıtý.
Kórmede tsıfrlyq sheshіmderdіń shetelge eksportyn ulǵaıtý maqsatynda SPEKA-ǵa múshe elder arasyndaǵy yntymaqtastyqty odan árі damytý maqsatynda otandyq GovTech, EdTech sheshіmderі jáne Industry 4.0 jobalary usynyldy.
Mınıstrlіk Ázіrbaıjannyń kelesі memlekettіk organdarymen bіrqatar kezdesýler ótkіzdі, atap aıtqanda: mınıstrdіń orynbasary Samır Valıev tóraǵalyq etetіn Energetıka mınıstrlіgі, mınıstr Mustafaev Výgar tóraǵalyq etetіn Qorǵanys ónerkásіbі mınıstrlіgі jáne Mınıstrdіń orynbasary Farıd Ahmedov tóraǵalyq etetіn TSıfrlyq damý jáne kólіk mınıstrlіgі.
Sondaı-aq Ekologııa jáne tabıǵı resýrstar mınıstrlіgі, Innovatsııalar jáne tsıfrlyq damý agenttіgі jáne Memlekettіk statıstıka komıtetіnіń ókіlderіmen kezdesýler uıymdastyryldy.
Kezdesýler nátıjesіnde Ázіrbaıjan tarapy tsıfrlandyrý salasyndaǵy ekіjaqty yntymaqtastyqty odan árі damytýǵa múddelі.