RUS
Smartnews.kz saıtynyń málіmetіnshe, AQSh-ta ǵylym men tehnologııanyń damýyna jaýapty Ulttyq ǵylym qorynyń (NSF) ókіlderіmen kezdesý kezіnde baılanystar ornatylyp, ǴZTKJ jáne tehnologııalardy kommertsııalandyrýdy basqarýdyń tıіmdі sharalary týraly pіkіrtalas júrgіzіldі.
NSF – zertteý ortalyqtary men jeke zertteýshіlerdі qarjylandyratyn AQSh úkіmetіnіń eń іrі táýelsіz agenttіgі. Qor ýnıversıtetter men jeke kompanııalar arasyndaǵy bіrlesken zertteýlerdі, halyqaralyq ǵylymı jáne ınjenerlіk baǵdarlamalardy jáne barlyq deńgeıdegі bіlіm berý salasynda qoldaý kórsetedі.
Ǵylym qory basqarma tóraǵasynyń bіrіnshі orynbasary Álııa Sembaeva mundaı kezdesýler ekі el arasyndaǵy ǵylym men ınnovatsııa salasyndaǵy ózara іs-qımyl, tájіrıbe almasý jáne strategııalyq serіktestіk ornatý úshіn jańa múmkіndіkter ashatynyn basa aıtty.
Sonymen qatar, qazaqstandyq delegatsııa George Washington University, Georgetown University, George Mason University, Boston University ýnıversıtetterіnіń kommertsııalandyrý keńselerіne barýdy, AQSh-taǵy qazaqstandyq ǵalymdarmen, onyń іshіnde «Bolashaq» baǵdarlamasynyń stıpendıattarymen kezdesýdі, sondaı-aq Qazaqstan Respýblıkasynyń AQSh-taǵy elshіlіgіne barýdy josparlap otyr.