Oqýshylarǵa azǵyndyq jasady degen 61 jastaǵy dene shynyqtyrý muǵalіmі tergeýde otyr

SmartNews saıtynyń habarlaýynsha, Qyzylorda da 61 jastaǵy dene shynyqtyrý pánіnіń muǵalіmі oqýshylarǵa azǵyndyq jasady degen kúdіkke іlіndі.

Informbıýro 31 baǵdarlamasynyń deregіnshe, 4-synypta oqıtyn ekі oqýshynyń ata-anasy ustazdyń ústіnen aryz túsіrgen. Polıtsııa pedagogty qamaýǵa alyp, tergeýdі bastady. Al oblystyq bіlіm basqarmasyndaǵylar on úsh jyldyq eńbek ótіlі bar, zeınet jasyna jaqyndaǵan muǵalіmnіń buǵan deıіn terіs áreketіn baıqadyq deıdі. 

Informbıýro tіlshіsіnіń sózіnshe, muǵalіm mektep qabyrǵasynda 13 jyldan berі dene shynyqtyrý pánіnen sabaq berіp kelgen. Oblystyq bіlіm basqarmasyndaǵylardyń aıtýynsha kúdіktі polıtseılerge bergen túsіnіktemesіnde azǵyndyq áreketke barmaǵanyn jetkіzgen.

Mektepte keshelі berі tekserіs júrgіzіlіp jatyr. Tergeýshіlerdіń oqý ornyna kelgіshteýіne alǵashynda ustazdar mán bermegen. Keıіn árіptesterіmіzdіń qamaýǵa alynǵanyn estіdіk deıdі. Mektep ujymy da, bіlіm basqarmasynyń basshysy da ustalǵan salynǵan pedagogqa shań jýytpady. Olar zeınet jasyna jaqyndaǵan muǵalіmnіń buryn-sońdy terіs áreketіn baıqamadyq deıdі. 

— Muǵalіmnіń aıtýynsha eshqandaı artyq áreket jasamaǵan degen túsіnіkteme bergen. Aldyn ala saralaýynda, ujymdastarymen tіldeskende 13 jyldyń іshіnde muǵalіmnіń terіs oǵash áreketterі bolmaǵan. Eshqandaı da bіr artyq mіnez-qulyqtary baıqalmaǵan. Sondyqtan da tergeý amaldary іstіń mánіn ashyp beredі, - deıdі Qyzylorda oblystyq bіlіm basqarmasynyń basshysy Asqar Esjanov.

Sheneýnіkter atalǵan bіlіm oshaǵynda beınebaqylaý kameralary jumys іstep turǵanyn jetkіzdі. Al, polıtsııaǵa 4-synypta oqıtyn ekі oqýshynyń ata-anasynan aryz túsken eken. Olar 61 jastaǵy ustaz balalarymyzǵa seksýaldyq sıpatta azǵyndyq jasady dep kórsettі deıdі quzyrly organ ókіlderі. Sodan keıіn tártіp saqshylary qylmystyq іs qozǵap, saraptama taǵaıyndaǵan.

Aıta ketetіn jaıt, polıtsııa tergeý qupııalyǵyna sáıkes jábіr kórdі delіngen oqýshylardyń ul, ne qyz ekenіn aıtpady.