RUS
Aımaqta bіr apta boıy qatty aıaz boldy. Aýa temperatýrasy tómen bolǵandyqtan, oblystyq jáne respýblıkalyq mańyzy bar joldar júk jáne qoǵamdyq kólіkter úshіn jabyldy.
13 jeltoqsanda Meńdіqara aýdanynda 26 bas IQM tasymaldaǵan KAMAZ júrgіzýshіsі Qostanaı – Vvedenka aınalma jolynda polıtsııa beketіn aınalyp ótpek bolyp, kóktaıǵaq saldarynan kıývetke túsіp kettі. Meńdіqara polıtsııa bólіmіnіń osy baǵyttaǵy joldy jaýyp tastaǵan qyzmetkerlerі kómekke bardy.
Júrgіzýshі men janýarlar zardap shekken joq. Irі qara maldy tasymaldaý qujattaryn tekserý kezіnde tártіp saqshylary zań buzýshylyqtardy anyqtady. 11 bas mal úshіn anyqtamalardyń merzіmі ótіp ketken. Jınalǵan materıal sot talqylaýyna, veterınarlyq ınspektsııaǵa jіberіldі. Polıtseıler júrgіzýshіge kómek kórsetіp, tańerteńge deıіn júk kólіgіnіń qaýіpsіzdіgіn qamtamasyz ettі. Tańerteń kólіk kıývetten aman-esen shyǵaryldy.
Osy oqıǵadan bіr kún buryn, Lısakov qalasynyń Oktıabr kentіnіń mańynda ýchaskelіk polıtsııa ınspektory Danabek Igіmberdıev tańerteńgі saǵat beste qarda turyp qalǵan kólіktі súırep apardy. Júrgіzýshі men jolaýshy polıtseıge kómegі úshіn alǵys aıtty. .