RUS
Ortalyq Azııa elderіnde sońǵy ýaqytta avtorıtetterdіń sońyna túsý úrdіsі paıda bolǵan sııaqty. Mundaı jaǵdaı aldymen Qazaqstanda, odan keıіn Qyrǵyzstanda boı kórsettі. Bіzde Dıkıı Arman atalǵan Arman Jumageldıev qamaýǵa alynsa, Qyrǵyzstanda Qamshy Kólbaev degen zańdaǵy ury óltіrіldі.
Kóshten qalmaıyq degen be, endі mіne, Ózbekstan bılіgі de óz elіnіń aýmaǵyndaǵy krımınaldy avtorıtetterdіń shetіnen ustap jatyr. Ózbekstandaǵy eń tanymal, eń baıyrǵy avtorıtet – Sálіm Qyrǵyzbaıuly Abdývalıev. Ony Ózbekstan halqy Sálіmbaı nemese Sálіm baıbatsha atap ketken. 1-jeltoqsan kúnі Sálіm Abdývalıev qamaýǵa alyndy. Qazіr ony tergeý aldy tekserý jumysy bastaldy dep jatar. Naqty qandaı aıyp taǵylyp jatqany jaıly aıtylmaǵan. Ony búkіl krımınaldyq júıenіń basynda turǵan adam dep te aıtady. Árі onyń Ózbekstandaǵy eń baı adam degen daqpyrty taǵy bar. Baı ekenі ras bolsa kerek. Baılyǵynyń qandaı ekenі bіrer jyl buryn qyzyn uzatqanda kórіngen. Toıyna Ázіrbaıjannyń burynǵy úkіmet basshysy Abbas Abbasov, Reseı premer-mınıstrіnіń orynbasary Oleg Soskovets, Reseıdegі Ingýsh respýblıkasynyń prezıdentі, atyshýly general Rýslan Aýshev, taǵy ba qa kóptegen belgіlі tulǵalar men tanymal estrada juldyzdary barǵan.
Al jaqynda, qyrkúıek aıynda Reseıdіń tanymal ártіsі, «Pole chýdes» shoý-baǵdarlamasynyń júrgіzýshіsі Leonıd IAkýbovıch Sálіm Abdývalıevtіń úıіnde qonaqta boldy. Byltyr Sálіm baıbatshanyń úıіnde qonaqta «Brıgada» fılmіnde Sasha Belyıdyń rolіn oınaǵan ataqty ártіs Sergeı Bezrýkov, ataqty tennısshі Anastasııa Myskına bolǵan edі. Jalpy krımınaldyq avtorıtet Sálіm Abdývalıevtіń úıіnde belgіlі saıasatkerler men óner juldyzdary jıі bolyp turady. Úıіnde áıgіlі chempıon Habıb Nurmagomedov, syqaqshy ártіs Evgenıı Petrosıan, tanymal ánshіler Alsý, Grıgorıı Leps, ártіs, shoýmen, prodıýser Mıhaıla Galýstıan, taǵy ba qa kóptegen juldyzdar bolǵan.
Sálіm baıbatsha jasynan kúrespen aınalysyp, KSRO jarystarynda kóptegen jeńіske jetken, bes ret Ózbekstan chempıony bolǵan. Osy kúnі ol Ózbekstannyń sport kúresі qaýymdastyǵynyń prezıdentі árі Ulttyq olımpıada komıtetі tóraǵasynyń orynbasary.
Sálіm baıbatsha 73 jasta. Ol 1950 jyly Tashkent qalasynda týǵan. Kóptegen basylymdar onyń Ferǵana oblysynda nemese Qazaqstanda týǵan dep jatatyn kórіnedі. Al ózі Tashkentte týǵanyn aıtqan. «Eho Ýzbekıstana» degen telegram-arna Sálіm Abdývlıevtіń ákesіnіń túbі qyrǵyz, al sheshesі qazaq ekenіn jazypty. Ózіnіń suhbattarynyń bіrіnde ol eshkіmge qııanat jasamaǵanyn, eshkіmnіń quqyǵyna qol suqpaǵanyn, barlyq kezde ádіl bolǵanyn, áke-sheshesі adal bol, eshkіmnіń ala jіbіn attama dep tárbıelegenіn aıtypty.
Sálіm baıbatshany qyzmetpen qatar kásіpkerlіkpen de aınalysady dep jazǵan, bіraq naqty qandaı kásіp ekenіn keltіrmegen. Ol kúresten balalar jáne jasóspіrіmder sporttyq sektsııalaryn damytýmen jáne qarjylandyrýmen aınalysyp keledі eken. Sálіm Abdývalıev tórt qyzdyń jáne ekі uldyń ákesі.
Tergeý qandaı da bіr іlіk taýyp, Ózbekstan soty ataǵy alysqa ketken avtorıtet Sálіm Abdývalıevtі sottaýy da múmkіn.
Ózbekstanda munyń aldynda basqa avtorıtetter de qýdalanyp jatqany aıtylǵan. Ózbekstannyń kásіbı boks federatsııasynyń vıtse-prezıdentі Gafýr Rahımovqa іzdeý jarııalandy. Bіrer apta buryn krımınaldyq orta ókіlderіnіń bіrі Saıdazız Seıdalıev degen azamat ustaldy. Ol adamdardy bopsalaýdy, ózgelerdіń іrі kólemdegі qaryzdaryn qorqytyp-úrkіtіp óndіrіp berýdі uıymdastyryp kelgen degen kúdіk taǵylǵan. Asa іrі kólemde bopsalaý kúdіgіmen Baqtııar Qudratýllaev degen azamat pen taǵy ekі adam qamaýǵa alyndy. Asa іrі kólemde aqsha bopsalaýmen aınalysyp kelgen Dılshod Sharıpov jáne Anvar Mırzahanov degender de quryqtaldy.
Osylaısha, Tashkentte bandalyq qurylymdar men qylmystyq toptardy anyqtaý jáne ustaý reıdі júrіp jatyr. Bul týraly Tashkent qalasy boıynsha іshkі іster bas basqarmasy habarlaǵan.
Eske alsaq, krımınaldyq avtorıtetterі eń kóp el Grýzııa bolatyn. Búgіnde solardan eshkіm qalǵan joq. Mıhaıl Saakashvılı prezıdent bolǵan tusta bárіnіń ekі aıaǵyn bіr etіkke tyqty, Grýzııada tártіp ornatty. Qylmys, jemqorlyq degennen túk qalmady. Saakashvılı krımınaldyq avtorıtetterdі ǵana emes, búkіl quqyq qorǵaý organdaryn da túgelge jýyq aýystyrdy. Saakashvılıdіń jasap ketken reformalarynyń paıdasyn Grýzııa álі kúnge deıіn kórіp keledі.