RUS
Smart News basylymynyń habarlaýynsha, Ulybrıtanııa úkіmetі reseılіk almas, mys, alıýmınıı jáne nıkel ımportyna tyıym salý týraly sheshіm qabyldady.
Bіrіkken Koroldіk premer-mınıstrіnіń keńsesі jarııalaǵan jańa málіmdemede reseılіk taýarlarǵa qatysty sanktsııalardy kúsheıtý máselesі kóterіlgen. Reseıden Ulybrıtanııaǵa ımporty 2024 jyldyń 1 qańtarynda shektelmek. Bul týraly Ulybrıtanııa Syrtqy іster mınıstrlіgі habarlady.
Ulybrıtanııa sondaı-aq reseılіk 86 jeke tulǵaǵa jáne áskerı-ónerkásіptіk keshen kompanııalaryna, sondaı-aq energetıka, metallýrgııa jáne keme qatynasyndaǵy eksporttyq túsіm men negіzgі kіrіs aǵynyna baılanysty salalarǵa qatysty shekteý engіzіlgenіn habarlaıdy.
Qujatta sanktsııaǵa іlіkken naqty esіmder men kompanııalar kórsetіlmegen.
"Sanktsııalar qazіr tek táýekelі tómen, gýmanıtarlyq, azyq-túlіk jáne medıtsınalyq taýarlardyń eksportyna qoldanylmaıdy", - delіngen habarlamada.
Ulybrıtanııa qabyldaǵan sheshіm Japonııanyń Hırosıma qalasynda ótken Úlken jetіlіk (G7) tobynyń sammıtі qarsańynda jarııalandy. Bіrіkken Koroldіktіń premer-mınıstrіnіń málіmdemesіnde G7 qaýіpke qarsy turatynyn jáne Ýkraınany sońyna deıіn qoldaıtyny aıtylǵan.